Delhi Services Bill: કોંગ્રેસના વરિષ્ઠ નેતા પી ચિદમ્બરમે દિલ્હી સર્વિસ ઓથોરિટી બિલ માટે બીજેડી અને વાયએસઆરસીપીના સમર્થન પર સવાલ ઉઠાવ્યા છે. નવીન પટનાયકની પાર્ટી બીજુ જનતા દળ (બીજેડી) અને જગન મોહન રેડ્ડીની વાયએસઆર કોંગ્રેસ પાર્ટીએ દિલ્હી સર્વિસ ઓર્ડિનન્સને બદલવા માટેના બિલને સમર્થન આપતા કોંગ્રેસના વરિષ્ઠ નેતા પી ચિદમ્બરમે મંગળવારે કહ્યું કે, 'તેઓ એ સમજવામાં નિષ્ફળ ગયા છે કે તેમને કાયદામાં શું સારું લાગ્યું છે.'
ચિદમ્બરમે X (અગાઉ ટ્વિટર) પર કહ્યું કે, 'હું દિલ્હી સર્વિસ ઓથોરિટી બિલને ટેકો આપતા ભાજપના સાંસદોને સમજી શકું છું, પરંતુ હું એ નથી સમજી શકતો કે બીજેડી અને વાયએસઆરસીપી પક્ષોને બિલમાં શું સારું લાગે છે.'
I can understand BJP MPs supporting the Delhi Services Authority Bill, but I fail to understand what merit in the Bill was found by the BJD and YSRCP parties
— P. Chidambaram (@PChidambaram_IN) August 1, 2023
Have the two parties (ruling parties in Odisha and Andhra Pradesh) found merit in the 3-member Authority where the Chief…
ચિદમ્બરમે વધુ લખ્યું કે, 'શું બંને પક્ષો (ઓડિશા અને આંધ્રપ્રદેશમાં સત્તાધારી પક્ષ)ને 3 સભ્યોની સત્તા હોવી યોગ્ય લાગે છે જ્યાં કેન્દ્ર સરકાર દ્વારા નિયુક્ત કરાયેલા બે અધિકારીઓની સામે મુખ્યમંત્રી માત્ર એક જ હશે?'
ચિદમ્બરમે વધુ લખ્યું કે, 'શું તેમને એવી જોગવાઈમાં કોઈ યોગ્યતા દેખાય છે કે જ્યાં બે અધિકારીઓ કોરમ બનાવી શકે અને મુખ્યમંત્રીની ભાગીદારી વિના બેઠકો યોજી શકે અને નિર્ણયો લઈ શકે? શું તે જોગવાઈમાં કોઈ યોગ્યતા જુએ છે જ્યાં બે અધિકારીઓ મુખ્ય પ્રધાનને હટાવી કરી શકે? શું તે જોગવાઈમાં યોગ્યતા જુએ છે જ્યાં લેફ્ટનન્ટ ગવર્નર સત્તાના સર્વસંમત નિર્ણયને પણ રદ કરી શકે છે?'
ઝડપી અને વિશ્વસનીય સમાચારો માટે ડાઉનલોડ કરો ગુજરાતી જાગરણની ન્યૂઝ એપ.