India Pakistan Relations: ભારતે નવી દિલ્હી સ્થિત પાકિસ્તાન હાઈ કમિશનની બહારથી બાહ્ય સુરક્ષા ઘેરો અને ટ્રાફિક બેરિકેડ્સ હટાવી દીધા છે. પાકિસ્તાને ઇસ્લામાબાદમાં ભારતીય હાઈ કમિશનની બહારથી સુરક્ષા અવરોધકો હટાવ્યા હતા, જેના માત્ર 3 દિવસ બાદ ભારતે પણ 'જેવા સાથે તેવા' ની નીતિ અપનાવીને આ કડક જવાબી કાર્યવાહી કરી છે.
દિલ્હીમાં પાકિસ્તાન દૂતાવાસ બહાર શું કાર્યવાહી થઈ?
આ પણ વાંચો
ભારતે પાકિસ્તાન સામે મોટી કાર્યવાહી કરતા નવી દિલ્હીમાં આવેલા પાકિસ્તાન હાઈ કમિશનની બહારથી બાહ્ય સુરક્ષા ઘેરો હટાવી લીધો છે. ડિપ્લોમેટિક પરિસરની સુરક્ષા માટે રસ્તા પર લગાવવામાં આવેલા ટ્રાફિક બેરિકેડ્સ અને કોંક્રિટના બોલાર્ડ્સ હટાવીને રસ્તો વાહનવ્યવહાર માટે સામાન્ય રીતે ખુલ્લો કરી દેવામાં આવ્યો છે. સામે આવેલા અહેવાલો અને વીડિયોમાં સ્પષ્ટ જોઈ શકાય છે કે હાઈ કમિશનની બહાર વાડની જેમ લગાવવામાં આવેલો સુરક્ષા ઘેરો હવે દૂર કરાયો છે. ભારતીય અધિકારીઓએ અગાઉ પણ પાકિસ્તાની મિશનની આસપાસની અવરજવર પર નિયંત્રણ મૂકતી બાહ્ય સુરક્ષા વ્યવસ્થાના કેટલાક ભાગો હટાવી દીધા હતા.
ભારતે આ કડક પગલું કેમ ભર્યું?
નોંધનીય છે કે ભારત અને પાકિસ્તાન વચ્ચે લાંબા સમયથી રાજદ્વારી તણાવ યથાવત છે. તાજેતરમાં પાકિસ્તાને ઇસ્લામાબાદ સ્થિત ભારતીય હાઈ કમિશનની બહાર લગાવવામાં આવેલા પાર્કિંગ પોલ્સ અને સુરક્ષા બેરિકેડિંગ હટાવી લીધા હતા. પાકિસ્તાનની આ હરકતના બરાબર 3 દિવસ બાદ ભારતે પણ નવી દિલ્હીમાં પાકિસ્તાન હાઈ કમિશનની બહારથી સુરક્ષા ઘેરો હટાવીને જડબાતોડ જવાબ આપ્યો છે.
ભારતીય અધિકારીઓએ શું સ્પષ્ટતા કરી?
ગુરુવારે ભારતીય અધિકારીઓએ સ્પષ્ટતા કરતા જણાવ્યું હતું કે નવી દિલ્હીમાં પાકિસ્તાન હાઈ કમિશનની બહાર માળખા અને લાઈનને વ્યવસ્થિત કરવા માટે લગાવવામાં આવેલા બેરિયર હવે હટાવી દેવામાં આવ્યા છે. તેમણે જણાવ્યું કે પાકિસ્તાની કમિશનના વિઝા વિભાગ પાસે લગાવવામાં આવેલા લાઈન-મેનેજમેન્ટ બેરિયર સહિત આ માળખા કમ્પાઉન્ડની મંજૂર સીમાની બહાર આવેલી એક ગલીમાં બનાવવામાં આવ્યા હતા, જેને કાયદેસરની કાર્યવાહી હેઠળ હટાવી દેવામાં આવ્યા છે.
બંને દેશો વચ્ચે તણાવનું મુખ્ય કારણ શું છે?
નવી દિલ્હીમાં સ્થાનિક અધિકારીઓનું આ મહત્વપૂર્ણ પગલું બંને પડોશી દેશો વચ્ચે ચાલી રહેલા રાજદ્વારી તણાવ વચ્ચે લેવામાં આવ્યું છે. આ તણાવ ગયા વર્ષે પહેલગામમાં પાકિસ્તાન સમર્થિત આતંકવાદીઓ દ્વારા કરવામાં આવેલા ઉશ્કેરણી વિનાના હુમલા બાદ વધુ વકર્યો હતો, જેમાં 26 નિર્દોષ લોકોનાં કમકમાટીભર્યા મોત થયા હતા.