Middle East Crisis: મધ્ય પૂર્વમાં ચાલી રહેલા સંઘર્ષની સ્થિતિ વચ્ચે વડાપ્રધાન નરેન્દ્ર મોદીએ રવિવારે કેબિનેટ કમિટી ઓન સિક્યોરિટી (CCS)ની મહત્વની બેઠકની અધ્યક્ષતા કરી હતી.
વડાપ્રધાન નિવાસ સ્થાન ખાતે આશરે ત્રણ કલાક સુધી યોજાયેલી આ બેઠકમાં પરિસ્થિતિ, તેની ભારત પર અસર તથા સરકારની તૈયારીને લઈ વ્યાપક મૂલ્યાંકન કરવામાં આવ્યું. કેબિનેટ સેક્રેટરીએ વૈશ્વિક પરિસ્થિતિ તથા તેમાં ઉભરવામાં આવેલા પગલાં અંગે પ્રેઝન્ટેશન રજૂ કર્યું હતું.
Delhi | PM Narendra Modi chairs a high-level meeting to review the situation related to petroleum, crude, gas, power and fertiliser sectors in view of the evolving West Asia situation.
— ANI (@ANI) March 22, 2026
Focus on ensuring uninterrupted supply, stable logistics and efficient distribution across the… pic.twitter.com/3C5x0c2Tci
CCSની બેઠક દરમિયાન જે મુદ્દા અંગે ચર્ચા થઈ તેમાં કૃષિ, ફર્ટિલાઈઝર, ફૂડ સિક્યોરિટી, પેટ્રોલિયમ, પાવર, MSME, એક્સપોર્ટ, શિપિંગ અને સપ્લાઈ ચેઈન જેવા મહત્વના સેક્ટરનો સમાવેશ રહ્યો છે. મધ્ય પૂર્વમાં જે સંઘર્ષ ચાલી રહ્યો છે તેની આ સેક્ટરો પર અસર થશે તથા તેનો સામનો કરવા માટે ઉપાયો અંગે બેઠકમાં ચર્ચા થઈ. સરકારે સ્પષ્ટતા કરી કે બદલાઈ રહેલી સ્થિતિની અસર ટૂંકા, મધ્યમ તથા લાંબા ગાળા માટે જોવા મળી શકે છે. સામાન્ય નાગરિકો માટે જરૂરી ખાદ્ય ચીજવસ્તુઓ તથા ઈંધણની ઉપલબ્ધતાને પ્રાથમિકતા આપવામાં આવી.
વીજળીની કોઈ અછત રહેશે નહીં
વીજળી ક્ષેત્ર અંગે એ પણ સ્પષ્ટ કરવામાં આવ્યું હતું કે બધા પાવર પ્લાન્ટમાં કોલસાનો પૂરતો ભંડાર છે, જેથી દેશમાં વીજળીની કોઈ અછત નહીં રહે. રસાયણો, ફાર્માસ્યુટિકલ્સ, પેટ્રોકેમિકલ્સ અને અન્ય ઔદ્યોગિક ક્ષેત્રો માટે આયાત સ્ત્રોતોમાં વૈવિધ્યીકરણ અને ભારતીય ઉત્પાદનો માટે નવા બજારો શોધવાની પણ ચર્ચા કરવામાં આવી હતી.
LPG સંગ્રહખોરી અને કાળાબજાર પર રોક
LPG સંગ્રહખોરી અને કાળાબજારને રોકવા માટે દેશભરમાં સતત દરોડા પાડવામાં આવી રહ્યા છે. દેશભરના બંદરો પર કામગીરી સામાન્ય છે, અને કોઈ ભીડના અહેવાલ નથી. સરકાર ગલ્ફ અને મધ્ય પૂર્વમાં વિકાસ પર નજીકથી નજર રાખી રહી છે, અને ત્યાં રહેતા ભારતીયોની સલામતી સર્વોચ્ચ પ્રાથમિકતા છે. ગલ્ફ દેશોમાં ભારતીય દૂતાવાસો તેમના નાગરિકો સાથે સતત સંપર્કમાં છે અને તેમને બધી જરૂરી માહિતી પૂરી પાડી રહ્યા છે. ઘણા ભારતીય નાગરિકોને પણ સંઘર્ષ ક્ષેત્રમાંથી બહાર કાઢીને પાછા લાવવામાં આવ્યા છે.