Congress Allegations: લોકસભામાં વિપક્ષના નેતા રાહુલ ગાંધીએ બુધવારે આરોપ લગાવ્યો કે ભારતીય જનતા પાર્ટી (BJP) અને ચૂંટણી પંચ (ECI) હરિયાણામાં કોંગ્રેસની પ્રચંડ જીતને હારમાં ફેરવવાનું કાવતરું ઘડ્યું છે. તેમણે કહ્યું કે તેમની ટીમ પાસે 100% પુરાવા છે કે હરિયાણામાં આશરે 25 લાખ મતદારો કાં તો ડુપ્લિકેટ છે, અસ્તિત્વમાં નથી અથવા તેમની સાથે છેડછાડ કરવામાં આવી છે.
રાહુલે કહ્યું- અમારી પાસે 'એચ ફાઇલ્સ' તે બતાવે છે કે આખા રાજ્યને કેવી રીતે લૂંટવામાં આવ્યું છે. શરૂઆતમાં અમને લાગ્યું કે તે થોડી બેઠકો સુધી મર્યાદિત છે, પરંતુ તપાસ પછી અમને જાણવા મળ્યું કે તે રાજ્ય અને રાષ્ટ્રીય સ્તરે થઈ રહ્યું છે.
આ પણ વાંચો
રાહુલ ગાંધીના વોટ ચોરીવાળા આરોપ
કોંગ્રેસ નેતાએ પ્રેસ કોન્ફરન્સમાં કહ્યું કે હરિયાણા વિધાનસભા ચૂંટણીમાં વોટ ચોરી અનિયમિતતાઓ પાંચ શ્રેણીઓમાં વિભાજીત થઈ હતી: ડુપ્લિકેટ મતદારો , ખોટા સરનામાં , બલ્ક વોટિંગ અને અન્ય અનિયમિતતાઓ. તેમણે કહ્યું કે હરિયાણાના ઇતિહાસમાં પહેલીવાર પોસ્ટલ વોટ અને વાસ્તવિક મતો વચ્ચે તફાવત જોવા મળ્યો.
રાહુલ ગાંધીએ એક ચોંકાવનારો દાવો કર્યો અને કહ્યું- એક મહિલા જે ખરેખર બ્રાઝિલિયન મોડેલ છે, તેણે 10 અલગ અલગ બૂથ પર 22 વાર મતદાન કર્યું તે પણ અલગ અલગ નામો - સીમા , સ્વીટી , સરસ્વતી , રશ્મિ , વિમલા… આ મહિલા કોણ છે ?"
પંચ પાસે સોફ્ટવેર છે
રાહુલ ગાંધીએ કહ્યું કે ચૂંટણી પંચ પાસે એવું સોફ્ટવેર છે જે ડુપ્લિકેટ મતદારોને ઓળખી શકે છે પરંતુ તેનો ઉપયોગ કરવામાં આવ્યો નથી. તેમણે આરોપ લગાવ્યો- અમે ECને ડુપ્લિકેટ મતદારોને ઓળખવા માટે સોફ્ટવેર ચલાવવાનું કહ્યું હતું, પરંતુ તેમણે ના પાડી કારણ કે તેઓ ભાજપને મદદ કરી રહ્યા છે.
રાહુલે દાવો કર્યો હતો કે ઉત્તર પ્રદેશ અને હરિયાણા બંનેમાં ભાજપના હજારો કાર્યકરોએ મતદાન કર્યું હતું. તેમણે કહ્યું કે આ સ્પષ્ટ સંકેત છે કે ચૂંટણી પંચ નિષ્પક્ષ ચૂંટણી ઇચ્છતું નથી. કોંગ્રેસના સાંસદે ચૂંટણી પંચના તે દાવાને પણ ફગાવી દીધો જેમાં કહેવામાં આવ્યું હતું કે ઘર નંબર ઝીરોવાળા વોટર બેઘર છે.
રાહુલે હરિયાણાના મુખ્યમંત્રી પર નિશાન સાધ્યું
રાહુલ ગાંધીએ કહ્યું- અમે જમીન પર તપાસ કરી. આ ખોટું છે. આ લોકો તેમના ઘરોમાં રહે છે, પરંતુ તેમના નામ ખોટી રીતે દાખલ કરવામાં આવ્યા છે. તેમણે હરિયાણાના મુખ્યમંત્રી નાયબ સિંહ સૈનીનો એક વિડિયો બતાવ્યો જેમાં તેઓ મતગણતરી પહેલા બે દિવસ કહેતા હતા કે ભાજપ તે જીતશે અને આપણું તંત્ર તૈયાર છે.
રાહુલ ગાંધીએ જણાવ્યું હતું કે મતદાર યાદીમાંથી 3.5 લાખ મતદારોના નામ દૂર કરવામાં આવ્યા હતા, જેમાં સદ્દામ હુસૈન નામના એક વ્યક્તિનો પણ સમાવેશ થાય છે જેમણે કહ્યું હતું કે તેમના અને તેમની પત્નીના નામ મતદાર યાદીમાંથી દૂર કરવામાં આવ્યા છે. તેમણે બિહારના કેટલાક લોકોને પણ આમંત્રણ આપ્યું હતું જેમણે કહ્યું હતું કે તેમના નામ પણ મતદાર યાદીમાંથી દૂર કરવામાં આવ્યા છે અને તેમને પાછા ઉમેરવાના તેમના પ્રયાસોને નકારી કાઢવામાં આવ્યા હતા.