Offbeat Monsoon Destinations in Gujarat: ચોમાસામાં ફરવાનો ટ્રેન્જ ખૂબ જ વધી ગયો છે. જેના કારણે મોટાભાગના ટૂરિસ્ટો પ્લેસ ભારે ભીડ જોવા મળે છે. ત્યારે આજે અમે તમને ગુજરાતના કેટલાક શાનદાર ઓફબીટ સ્થાનો વિશે જણાવવા જઈ રહ્યા છે, જેને ચોમાસામાં એક્સપ્લોર કરી શકાય છે. ગુજરાતમાં રાષ્ટ્રીય ઉદ્યાનોથી લઈને અનોખા દરિયાકિનારા અને લીલાછમ હિલ સ્ટેશનો સુધી અનેક ઓફબીટ સ્થાનો આવેલા છે.
ગુજરાતમાં ઓફબીટ સ્થળો - Offbeat places in Gujarat
પિરોટન આઇલેન્ડ (Pirotan Island)
જામનગરથી 10 કિમી દૂર કચ્છના અખાતમાં આવેલું પિરોટન આઇલેન્ડ પર વિશ્વના કેટલાક સૌથી વિચિત્ર જીવોને જોઈ શકો છો.
નિનાઈ ધોધ (Ninai Waterfall)
નર્મદા જિલ્લાના દેડિયાપાડા તાલુકામાં આવેલ નિનાઈ ધોધ જોવાલાયક સ્થળ છે શૂલપાણેશ્વર વન્યજીવ અભયારણ્યની નજીકના જંગલોની રેન્જમાં ધોધ 30 ફૂટથી વધુની ઊંચાઈએથી આવે છે.
નવલખા મંદિર (Navlakha Temple)
11મી સદીમાં જેઠવા શાસકો દ્વારા બનાવવામાં આવેલ આ મંદિર સૂર્ય ભગવાનને સમર્પિત છે. તે ગુજરાતનું સૌથી જૂનું સૂર્ય મંદિર માનવામાં આવે છે. માનવામાં આવે છે કે, આ મંદિરના નિર્માણમાં જેટલી રકમ ગઈ હતી તેના કારણે તેને નવલખા મંદિર કહેવામાં આવે છે. મંદિરમાં સોલંકી કાળના પત્થરના શિલ્પો અને અવશેષો છે.
ગિરમલ વોટરફોલ (Girmal Waterfall)
ડાંગ જિલ્લાના ગિરમલ ગામમાં આવેલો આ ગુજરાતનો સૌથી ઊંચો ધોધ છે. 100 ફૂટની ઊંચાઈએથી પડતો આ ધોધ એક શાંત પિકનિક સ્પોટ છે.
નરારા આઇલેન્ડ (Narara Island)
વાડીનાર નજીક આવેલું, નરારા ટાપુ મરીન નેશનલ પાર્કનો એક ભાગ છે. આ ટાપુની મુલાકાત લેવા માટે વન સંરક્ષક, જામનગરની પૂર્વ પરવાનગી જરૂરી છે. અહીં સ્ટારફિશ, જેલીફિશ, ઓક્ટોપસ અને કરચલાઓ જોવા મળે છે.
આ પણ વાંચો - Gujarat Places To Visit In Monsoon: ચોમાસા દરમિયાન ફરવાના ગુજરાતના શ્રેષ્ઠ સ્થળો, હરિયાળી અને પ્રકૃતિનો આનંદ માણો
ગોપનાથ બીચ (Gopnath Beach)
પાલીતાણા નજીક ગધુલા ગામ પાસે ખંભાતના અખાતના કિનારે ગોપનાથ બીચ આવેલું છે. ગોપનાથ એક સમયે ભાવનગરના મહારાજા કુમાર સિંહનું ઉનાળાનું ઘર હતું. 1940 ના દાયકામાં શાસક દ્વારા બાંધવામાં આવેલી વસાહતી હવેલીમાં ગોપનાથના સમૃદ્ધ ઇતિહાસની ઝલક જોવા મળે છે. અહીં 700 વર્ષ જૂના ગોપનાથ મહાદેવ મંદિરની પણ મુલાકાત લઈ શકાય છે.
વાંકાનેર (Wankaner)
વાંકાનેરનું મુખ્ય આકર્ષણ ભવ્ય રણજીત વિલાસ પેલેસ છે. ગઢિયો હિલટોપ પર સ્થિત આ મહેલનું નિર્માણ મહારાણા રાજ શ્રી અમર સિંહ દ્વારા કરવામાં આવ્યું હતું. આ મહેલ ઈન્ડો-ગોથિક શૈલીના સ્થાપત્યના ઉત્તમ નમૂનો છે.
સાપુતારા (Saputara)
ગુજરાતનું એકમાત્ર હિલ સ્ટેશન સાપુતારા ઘણીવાર 'કુદરતના ગર્ભ' તરીકે પણ ઓળખાય છે. અહીં, ખૂબસૂરત ગીરા ધોધની મુલાકાત લઈ શકાય છે. બગીચાઓથી ઘેરાયેલા શાંત સરોવર સાપુતારા પર બોટિંગ કરી શકાય છે.
પોલો ફોરેસ્ટ (Polo Forest)
જો તમે કુદરતી એસ્કેપેડની રાહ જોઈ રહ્યા હો, તો પોલો ફોરેસ્ટ જઈ આવો. પોલો ફોરેસ્ટ ટ્રેકર્સ માટે ખૂબસૂરત સ્થળ છે. ગાઢ જંગલ અને પવિત્ર ટેકરીઓ વચ્ચે ટકેલું, આ સ્થળ શાસકો માટે છુપાયેલા સ્થળ તરીકે કામ કરતું હતું.