એકદમ બજાર જેવા ગોળના શક્કરપારા બનાવવા ફોલો કરો આ સરળ રેસિપી

નાસ્તામાં શક્કરપારા તો લગભગ આપણા સૌના ઘરમાં ખવાય છે. આ ઉપરાંત કઈંક ગળ્યું ખાવાની ઈચ્છા હોય તો, તમે ગોળના શક્કરપારાની રેસિપી ટ્રાય કરી શકો છો. ઉલ્લેખનિય છે કે, આ વાનગી સ્વાદિષ્ટ તો હોય જ છે, સાથે-સાથે સરળતાથી બની પણ જાય છે.

આમ તો ગોળનું સેવન શિયાળામાં વધારે કરવામાં આવે છે, પરંતુ આપણા દેશમાં જમ્યા બાદ પણ ગોળનું સેવન કરવામાં આવે છે. સ્વાદની સાથે-સાથે તેનાથી સ્વાસ્થ્ય લાભ પણ મળે છે. જી હા, ગોળના સેવનથી પાચન સંબંધિત સમસ્યાઓ દૂર થાય છે અને પાચન તંત્ર મજબૂત બને છે. આ જ કારણે ગોળનો ઉપયોગ આખા વર્ષ દરમિયાન કરવામાં આવે છે અને તેનો ઉપયોગ અલગ-અલગ વાનગીઓમાં કરવામાં આવે છે.

ગોળમાંથી બનતી અનેક વાનગીઓ તમે અત્યાર સુધીમાં ખાધી જ હશે, પરંતુ આજે અમે તમારા માટે લાવ્યા છીએ ગોળના શક્કરપારાની એકદમ સરળ રેસિપી. જેનો ઉપયોગ તમે નાસ્તામાં કરી શકો છો. જો તમે એમ વિચારી રહ્યા હોવ કે, તેને બનાવવામાં બહુ મહેનત અને સમય લાગશે તો અહીં જ તમે ખોટા છો. આ માટે બસ ફોલો કરો આ સરળ રેસિપી.

બનાવવાની રીત

• ગોળના શક્કરપારા બનાવવા માટે સૌથી પહેલાં બધી જ સામગ્રી ભેગી કરી લો અને એક બાઉલમાં સોજી અને ચોખાનો લોટ ચાળી લો. તમે ઈચ્છો તો તેમાં તેમાં મકાઈનો લોટ પણ મિક્સ કરી શકો છો.
• લોટને સરખી રીતે મિક્સ કર્યા બાદ તેમાં ચપટી મીઠું નાખો અને બીજા બાઉલમાં ખાંડ અને પાણી બરાબર મિક્સ કરી લો. ત્યારબાદ આ જ પાણીથી લોટ બાંધી લો.
• લોટ હળવા હાથે જ બાંધવો અને થોડો કડક લોટ બાંધીને તૈયાર કરો. ત્યારબાદ તેને ઢાંકીને 15 મિનિટ માટે સેટ થવા માટે મૂકો.
• હવે આ લોટમાંથી લુવા બનાવો અને વણીને તમારી પસંદ અનુસાર કાપી લો.
• ત્યારબાદ ગેસ પર કઢાઈમાં તળવા માટે તેલ ગરમ કરવા મૂકો. તેલમાંથી ધૂમાડા નીકળવા લાગે એટલું ગરમ થઈ જાય એટલે તેમાં એક-એક શક્કરપારા મૂકો અને ક્રિસ્પી થાય ત્યાં સુધી તળો.
• શક્કરપારા તળાઈ જાય એટલે એક પ્લેટમાં કાઢી લો અને ગોળની ચાસણી બનાવી લો. આ માટે એક પેનમાં પાણી અને ગોળના ટુકડા મૂકો અને ધીમી આંચે ગરમ કરવા માટે મૂકો.
• ગોળ બરાબર ઓગળી જાય અને ચાસણી થોડી જાડી થવા લાગે એટલે તેમાં તળેલા શક્કરપારા નાખો અને બરાબર મિક્સ કરી લો.
• સતત હલાવતાં-હલાવતાં શક્કરપારાને તેમાં ચઢવી લો. ગોળ શક્કરપારામાં બરાબર મેલ્ટ થઈ જાય એટલે તેને એક પ્લેટમાં કાઢી લો અને ઠંડા પડવા દો.
• આ શક્કરપારા ઠંડા થઈ જાય એટલે એક ડબ્બામાં સ્ટોર કરો અને ચા સાથે સર્વ કરો.
• ચાસણીમાં તમે વરિયાળીનો ઉપયોગ પણ કરી શકો છો.

Image Credit-(@Freepik)

ગોળના ક્રિસ્પી શક્કરપારા Recipe Card
નાસ્તામાં ગોળના શક્કરપારા બનાવવાની ટિપ્સ
Total Time : 30 min
Preparation Time : 10 min
Cooking Time : 20 min
Servings : 4
Cooking Level : Medium
Course: Snacks
Calories: 250
Cuisine: Indian
Author: Shadma Muskan

સામગ્રી
1 કપ – સોજી
અડધો કપ – ચોખાનો લોટ
ચપટી – મીઠું
અડધો કપ – ઘી
1 કપ – બ્રેડ ક્રમ્સ
1 ચમચી – ખાંડ
અડધો કપ – પાણી
જરૂર મુજબ – તેલ (તળવા માટે)
1 કપ – ગોળ
અડધો કપ – પાણી
1 ચમચી – વરિયાળી
1 ચમચી – બેકિંગ સોડા

રીત
Step 1
એક બાઉલમાં સોજી અને ચોખાનો લોટ ચાળીને લો. તમે ઈચ્છો તો તેમાં મકાઈનો લોટ પણ લઈ શકો છો.
Step 2
લોટને સરખી રીતે મિક્સ કર્યા બાદ તેમાં ચપટી મીઠું નાખીને કડક લોટ બાંધી લો.
Step 3
ત્યારબાદ લોટમાંથી લુવા બનાવીને વણી લો અને તમારી પસંદ અનુસાર કાપી લો.
Step 4
ત્યારબાદ ગેસ પર એક કઢાઈમાં તળવા માટે તેલ ગરમ કરો અને તેમાં શક્કરપારા ક્રિસ્પી થાય ત્યાં સિધી તળી લો.
Step 5
બધા જ શક્કરપારા તળાઈ જાય એટલે એક પ્લેટમાં કાઢો અને ગોળની ચાસણી બનાવીને તૈયાર કરો.
Step 6
આ ચાસણી થોડી જાડી થવા લાગે એટલે તેમાં તળેલા શક્કરપારા નાખીને મિક્સ કરો.
Step 7
થોડીવાર બાદ તેને બહાર કાઢીને ઠંડા કરો અને એક ડબ્બામાં સ્ટોર કરી લો. આ શક્કરપારા ચા સાથે બહુ સ્વાદિષ્ટ લાગશે. તમે ઈચ્છો તો આ ચાસણીમાં વરિયાળીનો ઉપયોગ પણ કરી શકો છો.

DISCLAIMER
તમારી ત્વચા અને શરીર તમારી જ જેમ અલગ છે. તમારા સુધી અમારા આર્ટિકલ્સ અને સોશિયલ મીડિયા હેન્ડલ્સના માધ્યમથી સાચી, સુરક્ષિત અને વિશેષજ્ઞ દ્વારા વેરિફાઈડ માહિતી લાવવી જ અમારો પ્રયત્ન છે, પરંતુ છતાં પણ કોઈ પણ હોમ રેમેડી, હેક કે ફિટનેસ ટિપને ટ્રાય કરતાં પહેલાં તમારા ડૉક્ટરની સલાહ ચોક્કસથી લેવી. કોઈપણ પ્રતિક્રિયા કે ફરિયાદ માટે,  compliant_gro@jagrannewmedia.com પર અમારો સંપર્ક કરો.