West Asia Conflict: પશ્ચિમ એશિયામાં ચાલી રહેલ યુદ્ધ આજે 32મા દિવસમાં પ્રવેશી ગયું છે. એક તરફ, ટ્રમ્પ ઈરાન સાથે વાટાઘાટો કરવાનો દાવો કરી રહ્યા છે, તો બીજી તરફ, તે તેના પર હુમલો કરવાની ધમકી પણ આપી રહ્યા છે. એવું લાગે છે કે ઈરાને હવે ટ્રમ્પની રણનીતિ અપનાવી લીધી છે.
ઈરાનના ઇસ્લામિક રિવોલ્યુશનરી ગાર્ડ કોર્પ્સ (IRGC)એ અમેરિકાને ચેતવણી આપી છે કે તે 1 એપ્રિલથી 18 અમેરિકન કંપનીઓ પર હુમલો કરશે. આ કંપનીઓમાં માઈક્રોસોફ્ટ, એપલ, ગુગલ, ઇન્ટેલ અને બોઇંગનો સમાવેશ થાય છે. IRGCએ જણાવ્યું છે કે તે ઈરાન પરના હુમલાનો બદલો લેવા માટે આ હુમલાઓ કરશે.
IRGC એ એક નિવેદન બહાર પાડીને જણાવ્યું છે કે ઈરાનમાં કોઈપણ આતંકવાદી હુમલાના જવાબમાં તે પસંદગીની કંપનીઓ અને તેમના એકમોને સંપૂર્ણપણે નાશ કરશે. આ ચેતવણી 1 એપ્રિલના રોજ તેહરાન સમય અનુસાર રાત્રે 8 વાગ્યા (ભારતીય સમય અનુસાર રાત્રે 10:30 વાગ્યા) થી અમલમાં રહેશે. તેમણે આ કંપનીઓમાં કામ કરતા કર્મચારીઓને તેમના જીવ બચાવવા માટે તાત્કાલિક તેમની ઓફિસો અથવા કાર્યસ્થળો છોડી દેવાની સલાહ આપી છે.
❗️ Iran threatens Microsoft, Apple, Google & other top US companies
— RT (@RT_com) March 31, 2026
'For every assassination, one American company will be destroyed'
'Expect destruction of their relevant units starting Wednesday, April 1, in response to each assassination in Iran' pic.twitter.com/RNMaIWBBrH
આ 18 કંપનીઓને ધમકી
- ડેલ
- માઈક્રોસોફ્ટ
- ગુગલ
- એપલ
- ઈન્ટેલ
- આઈબીએમ
- ટેસ્લા
- બોઇંગ
- હેવલેટ પેકાર્ડ
- એચપી
- સિસ્કો
- ઓરેકલ
- મેટા
- જેપીમોર્ગન
- જનરલ ઇલેક્ટ્રિક
- G42
- Nvidia
- પ્લાન્ટર
આ કંપનીઓ ઈરાન સામેના યુદ્ધમાં મદદ કરી રહી છે - IRGC
IRGCએ આરોપ લગાવ્યો છે કે મોટી IT અને AI કંપનીઓ ઈરાન વિરુદ્ધ કાર્યવાહીમાં મદદ કરી રહી છે. તેમનો દાવો છે કે આ કંપનીઓ માત્ર સોફ્ટવેર વિકસાવી રહી નથી, પરંતુ હુમલાઓનું આયોજન અને અમલીકરણ કરવામાં પણ સામેલ છે. નિવેદનમાં ગૂગલ અને માઇક્રોસોફ્ટ તેમજ એન્થ્રોપિક અને ઓપનએઆઈ જેવી પ્રખ્યાત AI કંપનીઓનો ઉલ્લેખ છે.
ઈરાની સૈન્યનો આરોપ છે કે આ કંપનીઓ યુએસ અને ઇઝરાયલી સૈન્ય સાથે કામ કરી રહી છે તેમનો ઉપયોગ માનવરહિત ડ્રોન ઉડાડવા અને ચોકસાઈથી લક્ષ્યો પસંદ કરવા માટે કરી રહી છે. ઈરાને પહેલા પણ આવી જ ધમકીઓ આપી છે, પરંતુ આ વખતે તેઓએ સમયમર્યાદા નક્કી કરી છે, જેનાથી મામલો પહેલા કરતાં વધુ ગંભીર બન્યો છે.