Shark Attack: ઓસ્ટ્રેલિયાની સ્વાન નદીમાં શાર્કના હુમલામાં 16 વર્ષની છોકરીનું મોત થયું છે. ઘટના નોર્થ ફ્રીમેન્ટલના પર્થ ઉપનગરની છે, જણાવવામાં આવી રહ્યું છે કે શનિવારે બપોરે બાળકી તરવા માટે નદીમાં પડી હતી.
ફ્રીમેન્ટલ જિલ્લા પોલીસ અધિકારી પોલ રોબિન્સને જણાવ્યું હતું કે, છોકરી ડોલ્ફિન સાથે તરવા માટે નદીમાં કૂદી પડી હતી, પરંતુ એક અજાણી પ્રજાતિની શાર્ક તેના પર હુમલો કરીને તેને સપાટી પર ખેંચી ગઈ હતી.
યુવતી મિત્રો સાથે નદી પાસે ગઈ હતી
પોલીસ અધિકારીઓએ કહ્યું કે, આ ઘટના ખૂબ જ દર્દનાક છે. યુવતી તેના મિત્રો સાથે નદી કિનારે ગઈ હતી. ઘટના બાદ અધિકારીઓએ લોકોને સાવચેત રહેવાની સલાહ આપી છે, તેઓએ લોકોને બીચની નજીક જવાનું ટાળવા પણ કહ્યું છે.
1960 પછી બીજો શાર્ક હુમલો
તારોંગા કન્ઝર્વેશન સોસાયટી દ્વારા બહાર પાડવામાં આવેલા રિપોર્ટ અનુસાર, 1960 પછી સ્વાન નદીમાં શાર્કનો આ બીજો હુમલો છે. ત્યારે 11 ફૂટ લાંબી શાર્કે એક વ્યક્તિને મારી નાખ્યો હતો. બીજી તરફ, મત્સ્યોદ્યોગ નિષ્ણાતોના મતે, નદીના તે ભાગમાં શાર્કનું હોવું અસામાન્ય હતું.