Bankim Brahmbhatt CEO fraud allegations: અમેરિકન રોકાણ કંપની બ્લેકરોક ભારતીય મૂળના CEO બંકિમ બ્રહ્મભટ્ટ દ્વારા $500 મિલિયનથી વધુની છેતરપિંડીનો ભોગ બની હોવાનો આરોપ છે. બ્લેકરોકની ખાનગી ક્રેડિટ કાર્ડ રોકાણ શાખા, HPS એ બ્રહ્મભટ્ટની ટેલિકોમ કંપનીમાં રોકાણ કર્યું હતું, પરંતુ બ્રહ્મભટ્ટે નકલી એકાઉન્ટ અને નાદાર કંપનીનો ઉપયોગ કરીને છેતરપિંડી કરી હોવાનો આરોપ છે. HPS એ બ્રહ્મભટ્ટ સામે દાવો દાખલ કર્યો છે.
કંપનીનો આરોપ છે કે, બ્રહ્મભટ્ટની ટેલિકોમ કંપનીએ નકલી એકાઉન્ટનો ઉપયોગ કરીને છેતરપિંડી કરી હતી. જો કે, બ્રહ્મભટ્ટના વકીલે આ આરોપોને સ્પષ્ટપણે નકારી કાઢ્યા છે. બ્લેકરોકની ખાનગી ક્રેડિટ કાર્ડ રોકાણ શાખા, HPS એ સપ્ટેમ્બર 2020 માં બ્રહ્મભટ્ટની કંપની સાથે સોદો કર્યો હતો. HPS એ 2021 માં $385 મિલિયનના રોકાણની જાહેરાત કરી હતી, જે ઓગસ્ટ 2024 માં વધારીને $430 મિલિયન કરવામાં આવી હતી.
શું છે સમગ્ર મામલો?
જુલાઈમાં, HPS ને રોકાણ સંબંધિત કેટલાક નકલી ઈમેલ એડ્રેસ મળ્યા, જેની જાણ બ્રહ્મભટ્ટને કરવામાં આવેલ હતી. બ્રહ્મભટ્ટે કંપનીને ખાતરી આપી હતી. કંપનીનો આરોપ છે કે આ ઘટના પછી, બ્રહ્મભટ્ટે કોલ્સનો જવાબ આપવાનું બંધ કરી દીધું હતું. જ્યારે HPS અધિકારીઓએ બ્રહ્મભટ્ટની કંપનીની મુલાકાત લીધી ત્યારે તે બંધ થઈ ગઈ હતી. પૂછપરછમાં જાણવા મળ્યું કે બ્રહ્મભટ્ટની કંપનીએ નાદારી નોંધાવી હતી.
પોલીસની તપાસ ચાલુ
વોલ સ્ટ્રીટ જર્નલ અનુસાર, જ્યારે બ્રહ્મભટ્ટના ગાર્ડન સિટી સ્થિત ઘરની મુલાકાત લેવામાં આવી ત્યારે તે ક્યાંય મળ્યો ન હતો. HPS એ કહ્યું કે, બ્રહ્મભટ્ટ ભારતમાં છે. ઓગસ્ટમાં, કંપનીએ બ્રહ્મભટ્ટ સામે દાવો દાખલ કર્યો. પોલીસ તપાસમાં બહાર આવ્યું કે, કંપની દ્વારા મોકલવામાં આવેલા બધા ઈમેલ છેતરપિંડી ભર્યા હતા.
HPS નો દાવો છે કે, રોકાણ સમયે બ્રહ્મભટ્ટે જે બેલેન્સ શીટ તૈયાર કરી હતી તે ફક્ત કાગળ પરની માહિતી હતી. બ્રહ્મભટ્ટે બધા પૈસા ભારત અને મોરેશિયસમાં રોકાણ કર્યા હતા. પોલીસ હવે સમગ્ર મામલાની તપાસ કરી રહી છે.
કોણ છે બંકિમ બ્રહ્મભટ્ટ?
બંકિમ બ્રહ્મભટ્ટનો જન્મ ગુજરાતના ગાંધીનગરમાં થયો હતો. તેઓ બેંકાઇ જૂથના સંસ્થાપક છે તેમજ ત્રણ દાયકાથી ટેલીકોમ ક્ષેત્રમાં સક્રિય છે. તેમની કંપનીઓ બ્રોડબેંડ ટેલિકોમ તેમજ બ્રિઝવોઇસ અન્ય ટેલિકોમ કંપનીઓને સેવા તેમજ અન્ય મૂળભૂત માળખું વેચે છે.