Ethiopia Volcano Eruption: ઈથોપિયામાં લગભગ 10,000 વર્ષ પછી જ્વાળામુખી ફાટ્યો છે. વિસ્ફોટ પછી આકાશમાં રાખના વાદળો(ash cloud) દેખાયા છે. વૈજ્ઞાનિકોએ આ ઘટનાને ઇતિહાસની સૌથી અસાધારણ ઘટનાઓમાંની એક ગણાવી છે.
ઇથોપિયાના જ્વાળામુખીમાંથી રાખની વિશાળ પરત ઉત્તરી અરબી સમુદ્રમાં ફેલાતા ઘણી એરલાઇન્સે તેમની ફ્લાઇટ્સ રદ કરી છે. જ્વાળામુખીની ગતિવિધિથી રાખની વિશાળ પરત બહાર આવતા એરલાઇન્સને ઓપરેશનલ મેન્યુઅલની સમીક્ષા કરવા, ફ્લાઇટ પ્લાનિંગ અને રૂટ્સને સમાયોજિત કરવાનો આદેશ આપવામાં આવ્યો છે.
ઘણી ફ્લાઇટ્સ રદ કરવામાં આવી છે
અહેવાલો અનુસાર ઇથોપિયામાં જ્વાળામુખી સક્રિય થવાને લીધે જંગી પ્રમાણમાં રાખ નિકળી આવવાને કારણે સંભવિત અવરોધોને ધ્યાનમાં રાખીને ઘણી ફ્લાઇટ્સ રદ કરવામાં આવી છે. ભારતીય એરલાઇન્સ અને એરપોર્ટ્સને પણ એક સલાહકાર જારી કરવામાં આવી છે. રાખની પરત પૂર્વ તરફ આગળ વધી રહી છે અને સોમવારે મોડી રાત સુધીમાં ભારતના મુખ્ય વિસ્તારોમાં પહોંચવાની ધારણા છે.
પ્રારંભિક અહેવાલો અનુસાર જ્વાળામુખીની રાખને કારણે કેટલીક ફ્લાઇટ્સ રદ કરનારી એરલાઇન્સમાં અકાસા એર, ઇન્ડિગો અને કેએલએમનો સમાવેશ થાય છે. હજારો વર્ષોમાં જ્વાળામુખીના પ્રથમ વિસ્ફોટને કારણે જ્વાળામુખીની રાખનો પ્લમ લાલ સમુદ્ર પાર કરીને યમન અને ઓમાન તરફ આગળ વધી રહ્યો છે. વાદળ હવે ઉત્તર અરબી સમુદ્રમાં ફેલાઈ ગયું છે.
DGCA એ એરલાઇન્સ માટે એડવાઈઝરી ઈશ્યુ કરી
સત્તાવાર આદેશ મુજબ નાગરિક ઉડ્ડયન મહાનિર્દેશાલય (DGCA) એ એરલાઇન્સને રાખથી પ્રભાવિત વિસ્તારોને સંપૂર્ણપણે ટાળવાનો નિર્દેશ આપ્યો છે, જેમાં ફ્લાઇટ પ્લાનિંગ, રૂટ અને ઇંધણ સંબંધિત તમામ મહત્વપૂર્ણ બાબતોને ધ્યાનમાં લેવામાં આવશે.
KL 871 Amsterdam to Delhi & KL 872 Delhi to Amsterdam, both flights have been cancelled due to an ash cloud caused volcanic eruption in Ethiopia: Delhi Airport
— ANI (@ANI) November 24, 2025
એરલાઇન્સના એન્જિનની કામગીરીમાં સમસ્યા, કેબિનમાં ધુમાડો અથવા ગંધ સહિત કોઈપણ શંકાસ્પદ રાખની તાત્કાલિક જાણ કરવા માટે પણ કહેવામાં આવ્યું છે.
DGCA એ જણાવ્યું હતું કે જો જ્વાળામુખીની રાખ એરપોર્ટ કામગીરીને અસર કરે છે તો સંબંધિત ઓપરેટરે તાત્કાલિક રનવે અને ટેક્સીવેનું નિરીક્ષણ કરવું જોઈએ.