Dhaka meeting: બાંગ્લાદેશમાં લઘુમતીઓ સામેની હિંસા વચ્ચે દેશના રાજકારણમાં એક મોટા યુગનો અંત આવ્યો છે. ભૂતપૂર્વ વડાપ્રધાન અને બીએનપીના વડા બેગમ ખાલિદા ઝિયાને આજે (31 ડિસેમ્બર) સંપૂર્ણ રાજકીય સન્માન સાથે અંતિમ વિદાય આપવામાં આવી છે. વિદેશ પ્રધાન એસ. જયશંકર ખાસ કરીને ભારતનું પ્રતિનિધિત્વ કરવા ઢાકા ગયા છે. તેમણે ખાલિદા ઝિયાના પુત્ર અને બીએનપીના કાર્યકારી અધ્યક્ષ તારિક રહેમાન સાથે મુલાકાત કરી અને વડાપ્રધાન નરેન્દ્ર મોદીનો શોક સંદેશ આપ્યો, જેમાં વડાપ્રધાને બાંગ્લાદેશના પ્રથમ મહિલા વડાપ્રધાન તરીકે ખાલિદા ઝિયાના યોગદાનને યાદ કર્યું.
બાંગ્લાદેશે તેમના માનમાં ત્રણ દિવસનો રાજ્ય શોક અને બીએનપી દ્વારા સાત દિવસનો શોક જાહેર કર્યો. ઢાકાના સંસદ સંકુલના દક્ષિણ પ્લાઝા ખાતે યોજાયેલી તેમની અંતિમ પ્રાર્થનામાં હજારો સમર્થકો અને વિદેશી પ્રતિનિધિઓએ હાજરી આપી હતી. ત્યારબાદ તેમને તેમના પતિ અને ભૂતપૂર્વ રાષ્ટ્રપતિ ઝિયાઉર રહેમાનની કબર પાસે સુપુર્દ-એ-ખાક કરવામાં આવ્યા હતા.
તણાવ વચ્ચે જયશંકર બાંગ્લાદેશ પહોંચ્યા
ભારતનું પ્રતિનિધિત્વ કરતા વિદેશ મંત્રી જયશંકરે માત્ર અંતિમ સંસ્કારમાં હાજરી આપી ન હતી પરંતુ ખાલિદા ઝિયાના પુત્ર તારિક રહેમાનને વડાપ્રધાન નરેન્દ્ર મોદીનો વ્યક્તિગત શોક સંદેશ પણ પહોંચાડ્યો હતો. આ સંદેશમાં મોદીએ ખાલિદા ઝિયાના રાજકીય યોગદાન અને લોકશાહી મૂલ્યો પ્રત્યેની તેમની પ્રતિબદ્ધતાને યાદ કરી હતી. જયશંકરે તેમના બાંગ્લાદેશી સમકક્ષ તૌહીદ હુસૈન સાથે પણ મુલાકાત કરી હતી અને બંને દેશો વચ્ચેના દ્વિપક્ષીય સંબંધો પર ચર્ચા કરી હતી.
Sardar Ayaz Sadiq, Speaker of the National Assembly of Pakistan, exchanges greetings with Indian External Affairs Minister S. Jaishankar in Dhaka on Wednesday ahead of the funeral programme of former Bangladesh Prime Minister Khaleda Zia. pic.twitter.com/1eLz0i8nAi
— Chief Adviser of the Government of Bangladesh (@ChiefAdviserGoB) December 31, 2025
પાકિસ્તાનના સ્પીકર સાથે મુલાકાત
અંતિમ સંસ્કારમાં એક રસપ્રદ ક્ષણ ત્યારે બની જ્યારે જયશંકર પાકિસ્તાન નેશનલ એસેમ્બલીના સ્પીકર અયાઝ સાદિકને મળ્યા, જેઓ ખાલિદા ઝિયાને શ્રદ્ધાંજલિ આપવા આવ્યા હતા. સ્થાનિક મીડિયા અહેવાલો અનુસાર, બંને નેતાઓએ હાથ મિલાવ્યા અને સ્મિત કર્યું. પોતાની જગ્યાએ પાછા ફરતા પહેલા તેમણે થોડીક સેકન્ડની ઔપચારિક વાતચીત કરી.
સરદાર અયાઝ સાદિક કોણ છે?
વિદેશ મંત્રી જયશંકર જે પાકિસ્તાની રાજકારણીને મળ્યા હતા તે પાકિસ્તાનના વડાપ્રધાન શાહબાઝ શરીફના નજીકના સાથી માનવામાં આવે છે. અયાઝે બાલાકોટ હુમલા અંગે તત્કાલીન પાકિસ્તાની વિદેશ મંત્રી શાહ મહમૂદની પણ મજાક ઉડાવી હતી. તેમણે ત્યારે કહ્યું હતું કે મહમૂદે બોલ્યા હતા કે જો ભારતીય પાયલોટ અભિનંદનને મુક્ત નહીં કરવામાં આવે તો ભારત હુમલો કરશે.