Iran Protests: સોમવારે ઈરાનમાં 2022 પછીના સૌથી મોટા પ્રદર્શનો જોવા મળ્યા જેમાં અમેરિકન ડોલર સામે રૂપિયો ઐતિહાસિક નીચા સ્તરે પહોંચ્યા બાદ મોટા પાયે વિરોધ પ્રદર્શનો ફાટી નીકળ્યા.
મધ્ય ઈરાનમાં ઈસ્ફહાન, દક્ષિણમાં શિરાઝ અને ઉત્તર-પૂર્વમાં મશહદ સહિત અન્ય મોટા શહેરોમાં પણ રેલીઓ યોજાઈ હતી. તેહરાનના કેટલાક ભાગોમાં વિરોધીઓને વિખેરવા માટે પોલીસે ટીયર ગેસ છોડ્યા. વિરોધ પ્રદર્શનો વધુ તીવ્ર બનતા ઈરાનના સેન્ટ્રલ બેંકના વડા રેઝા ફરઝિને રાજીનામું આપ્યું.
અહેવાલો અનુસાર સોમવારે વેપારીઓએ તેમની દુકાનો બંધ રાખી હતી. ILNA સમાચાર એજન્સીએ જણાવ્યું હતું કે ઘણા વ્યવસાયો બંધ થઈ ગયા હતા. જોકે કેટલાક ખુલ્લા રહ્યા હતા.
આ પણ વાંચો
વાજબી માંગણીઓ સાંભળો
દરમિયાન રાષ્ટ્રપતિ મસૂદ પેઝેશ્કિયાને તેમની સરકારને વિરોધીઓની કાયદેસર માંગણીઓ સાંભળવા વિનંતી કરી. IRNA ન્યૂઝ એજન્સીના જણાવ્યા અનુસાર પેઝેશ્કિયાને કહ્યું- મેં ગૃહમંત્રીને વિરોધીઓના પ્રતિનિધિઓ સાથે વાતચીત કરવા અને તેમની કાયદેસર માંગણીઓ સાંભળવા જણાવ્યું છે જેથી સરકાર સમસ્યાઓના ઉકેલ માટે તેની શક્તિમાં બધું કરી શકે અને જવાબદારીપૂર્વક કાર્ય કરી શકે.
ડોલર સામે રિયાલમાં ઐતિહાસિક ઘટાડો
ઈરાનમાં વિરોધ પ્રદર્શનો ત્યારે થયા જ્યારે ઈરાની રિયાલ ડોલર સામે 1.42 મિલિયન પર ગગડી ગયો. સોમવારે તે ડોલર સામે 1.38 મિલિયન પર ટ્રેડ થઈ રહ્યો હતો. આ લખાય છે ત્યારે ઈરાની રિયાલ યુએસ ડોલર સામે 42,125 પર ટ્રેડ થઈ રહ્યો છે. આ ઝડપી ઘટાડાથી ફુગાવાનું દબાણ વધી રહ્યું છે, ખાદ્યપદાર્થો અને અન્ય આવશ્યક ચીજવસ્તુઓના ભાવ વધી રહ્યા છે અને ઘરના બજેટ પર વધુ ભાર પડી રહ્યો છે.
ઈરાની સરકાર નવા વર્ષમાં કર વધારવાની યોજના ધરાવે છે
ઈરાની મીડિયામાં એવા અહેવાલો આવ્યા છે કે સરકાર 21 માર્ચથી શરૂ થતા ઈરાની નવા વર્ષ માટે કર વધારવાની યોજના બનાવી રહી છે, જેનાથી ચિંતામાં વધારો થયો છે.
2015ના પરમાણુ કરાર સમયે ઈરાનનું ચલણ ડોલર સામે 32,000 રિયાલ પર ટ્રેડ થઈ રહ્યું હતું જેના કારણે દેશના પરમાણુ કાર્યક્રમ પર કડક નિયંત્રણોના બદલામાં આંતરરાષ્ટ્રીય પ્રતિબંધો હટાવવામાં આવ્યા હતા.