સુરતના પાલ સ્થિત આરટીઓ દ્વારા LMV ના GJ 05 RU સિરીઝના ગોલ્ડન અને સિલ્વર પસંદગીના નંબરોનું ઓનલાઈન ઈ-ઓક્શન શરૂ કરવામાં આવશે. આ ઈ-હરાજી માટે રજિસ્ટ્રેશન તા.10 થી 12 જાન્યુઆરીના રોજ સુધી થશે. હરાજી તા.12 થી 14 જાન્યુઆરીના 2023 દરમિયાન કરવામાં આવશે.
પસંદગીનો નંબર મેળવવા ઈચ્છતા વાહનમાલિકોએ તેમના વાહનોનું રજિસ્ટ્રેશન કરાવીને જેમાં http:/parivahan.gov.in/fancy પર ઓનલાઈન ફોર્મ ભરીરજિસ્ટ્રેશન કરવું. જેનો યુઝર આઈ.ડી. અને પાસવર્ડ તૈયાર કરી વાહનવ્યવહારકમિશનરશ્રીની કચેરીના નિયત સૂચનાઓ મુજબ ભાગ લેવાનો રહેશે. જે પસંદગીનો નંબર મેળવવા માગતા હોય તેમણે અરજી સેલ ઇનવોઇસની તારીખ કે પછી વીમાની તારીખ આ બન્નેમાંથી જે વહેલું હોય તે તારખીથી 7 દિવસની અંદર રજૂ કરવાની રહેશે. આ અરજી જે તારીખે કરી હશે ત્યારથી 60 દિવસ સુધી માન્ય ગણાશે.
આ રીતે 60 દિવસમાં અરજદાર ચોઈસનો કોઈ નંબર નહીં મેળવે અથવા ઉપલબ્ધ નંબરોમાંથી અરજદારને પસંદગીનો નંબર ફાળવી શકાશે નહિ તો અરજી તારીખથી ગણતાં 60 દિવસે એટલે કે છેલ્લા દિવસે રજિસ્ટ્રેશન ઓથોરિટી દ્વારા રેન્ડમ પદ્ધતિથી નંબર ફાળવી દેવામાંઆવશે. જે 60 દિવસની મર્યાદા આપવામાં આવી છે જે અરજદાર વુધ ઓક્શનમાં ભાગ લઇ શકે એ હેતુથી આપવામાં આવી છે. આ 60 દિવસની મર્યાદાના કારણે કામચલાઉ નોંધણી પ્રમાણપત્રની 30 દિવસની મર્યાદામાં કોઇપણ પ્રકારના વધારો કરવાની જોગવાઈ નથી. કામચલાઉ નોંધણી પ્રમાણપત્ર પૂર્ણ થતાંજ વાહન અનરજિસ્ટર્ડ ગણવામાં આવશે અને જાહેર ઉપયોગ કરી શકાશે નહીં.
અરજદારે હરાજીની પ્રક્રિયા પૂર્ણ થયાના 5 દિવસમાં બીડ એમાઉન્ટના નાણાં જમા કરાવવાના રહેશે. જેમાં નિષ્ફળ જશે તો મૂળ ભરેલી રકમ (Base Price) ને જપ્ત કરી ફરીવાર હરાજી કરાશે. અરજદારે RBI દ્વારા નક્કી કરેલા દરે ચાર્જ ચૂકવવાનો રહેશે. અસફળ અરજદારે રિફંડ માટે હાલની મેન્યુઅલ પદ્ધતિ પ્રમાણે નાણા પરત કરવાના હોવાથી નેટ બેન્કિંગ, ક્રેડિટ-ડેબિટ કાર્ડથી ચૂકવણું કર્યું હોય તે જ મોડથી નાણા અરજદારના તે જ ખાતામાં SBI E-PAY દ્વારા પરત કરવામાં આવશે એમ ઈ.ચા. પ્રાદેશિક વાહનવ્યવહાર અધિકારી, સુરત, પાલ દ્વારા જણાવાયું છે.