AIIMS Rajkot Inauguration: રાજકોટ નજીક ખંઢેરીમાં 201 એકરમાં રૂ.1195 કરોડના ખર્ચે તૈયાર થઈ રહેલી ઓલ ઈન્ડિયા ઈન્સ્ટીટ્યુટ ઓફ મેડિકલ સાયન્સ (AIIMS)નું વડાપ્રધાન નરેન્દ્ર મોદીના હસ્તે લોકાર્પણ થવા જઈ રહ્યું છે. જેમાં જનરલ મેડિસીન, સર્જરી, ગાયનેક, પીડિયાટ્રીક, ENT, ડર્મેટોલૉજી, ડેન્ટલ સહિતના વિભાગ કાર્યરત કરવામાં આવશે. આ તમામ વિભાગમાં 24/7 કલાક 70 ડોક્ટર, 28 રેસિડન્ટ ડોક્ટર અને 400 નર્સિંગ સ્ટાફ તૈનાત રહેશે. આ ઉપરાંત ચાર ઓપરેશન થીયેટર, બે ICU શરૂ કરવામાં આવશે. ICUમાં 40 બેડ તૈયાર કરવામાં આવ્યા છે. જ્યારે પોસ્ટ મોર્ટમ માટે ત્રણ રૂમ તૈયાર કરાયા છે.
પ્રધાનમંત્રી સ્વાસ્થ્ય સુરક્ષા યોજના (PMSSY)
સ્વાસ્થ્ય અને પરિવાર કલ્યાણ મંત્રાલય (એમઓએચએન્ડએફડબલ્યુ) અંતર્ગત પ્રધાનમંત્રી સ્વાસ્થ્ય સુરક્ષા યોજના (પીએમએસએસવાય)ની શરૂઆત વર્ષ 2006માં થઈ હતી, જેનો ઉદ્દેશ વાજબી/ભરોસાપાત્ર તૃતીયક સ્વાસ્થ્ય સેવાઓની ઉપલબ્ધતામાં પ્રાદેશિક અસંતુલનને દૂર કરવાનો તથા દેશમાં સામાન્ય રીતે ગુણવત્તાયુક્ત તબીબી શિક્ષણ માટે સુવિધાઓ વધારવાનો તથા દેશમાં ગુણવત્તાયુક્ત તબીબી શિક્ષણ માટે સુવિધાઓ વધારવાનો છે. PMSSYના બે ઘટકો છેઃ એઈમ્સ જેવી સંસ્થાઓની સ્થાપના અને હાલની રાજ્ય સરકારની મેડિકલ કોલેજ (જીએમસી)નું અપગ્રેડેશન.
PMSSY અંતર્ગત અત્યાર સુધીમાં 22 નવી એઈમ્સની સ્થાપનાને મંજૂરી આપવામાં આવી છે. જેમાંથી વર્ષ 2014થી અત્યાર સુધીમાં 15 એઈમ્સને મંજૂરી આપવામાં આવી છે. આ 15 સંસ્થાઓમાં ગોરખપુર (ઉત્તરપ્રદેશ), નાગપુર (મહારાષ્ટ્ર), કલ્યાણી (પશ્ચિમ બંગાળ), મંગલાગિરી (આંધ્રપ્રદેશ), બીબીનગર (તેલંગાણા), ભઠિંડા (પંજાબ), દેવઘર (ઝારખંડ), બિલાસપુર (હિમાચલ પ્રદેશ), રાજકોટ (ગુજરાત), ગુવાહાટી (આસામ), વિજયપુર (જમ્મુ), મદુરાઈ (તમિલનાડુ), અવંતીપોરા, જમ્મુ-કાશ્મીર કેન્દ્રશાસિત પ્રદેશ, રેવાડી (હરિયાણા) અને દરભંગા (બિહાર)માં એઈમ્સનો સમાવેશ થાય છે.
વર્ષ 2014 અગાઉ મંજૂર થયેલી 7 એઈમ્સમાં ભોપાલ (મધ્યપ્રદેશ), ભુવનેશ્વર (ઓડિશા), જોધપુર (રાજસ્થાન), પટણા (બિહાર), રાયપુર (છત્તીસગઢ), ઋષિકેશ (ઉત્તરાખંડ) અને રાયબરેલી (ઉત્તરપ્રદેશ)માં એઈમ્સનો સમાવેશ થાય છે.
રાજકોટ એઈમ્સની સ્થાપના
ગૂજરાતમાં રાજકોટમાં ઓલ ઇન્ડિયા ઇન્સ્ટિટ્યૂટ ઑફ મેડિકલ સાયન્સિસ (એઈમ્સ)ને પ્રધાનમંત્રી સવસ્થ્ય સુરક્ષા યોજના (પીએમએસએસવાય)નાં છઠ્ઠા તબક્કા અંતર્ગત જાન્યુઆરી, 2019માં રૂ. 1195 કરોડનાં મંજૂર ખર્ચ સાથે મંજૂરી આપવામાં આવી હતી. મંત્રાલયે મેસર્સ એચએસસીસી (ઇન્ડિયા) લિમિટેડની જૂન, 2019માં આ પ્રોજેક્ટ માટે પ્રોજેક્ટ મેનેજમેન્ટ કન્સલ્ટન્ટ તરીકે નિમણૂક કરી હતી. એઈમ્સ, રાજકોટ 750 પથારીની હોસ્પિટલ છે જેમાં ઇમરજન્સી અને ટ્રોમા માટે 30 પથારીઓ, આઇસીયુ સ્પેશિયાલિટી અને સુપર સ્પેશિયાલિટી બેડ, એમબીબીએસની 50 બેઠકો ધરાવતી મેડિકલ કોલેજ, છાત્રાલયો અને રહેણાંક ક્વાર્ટર્સ સામેલ છે. ઓલ ઇન્ડિયા ઇન્સ્ટિટ્યૂટ ઓફ મેડિકલ સાયન્સિસ, રાજકોટની સ્થાપના ઓલ ઇન્ડિયા ઇન્સ્ટિટ્યૂટ ઓફ મેડિકલ સાયન્સિસ (એમેન્ડમેન્ટ) એક્ટ, 2012 મારફતે સ્વાયત્ત સંસ્થા અને ઇન્સ્ટિટ્યૂટ ઓફ નેશનલ ઇમ્પોર્ટન્સ તરીકે કરવામાં આવી હતી.
મિશન અને વિઝન
- વિવિધ આરોગ્ય વ્યાવસાયિકોનું શિક્ષણ
- જૈવ ચિકિત્સા વિજ્ઞાનમાં સંશોધન
- સર્વોચ્ચ સંભાળના સ્તરે દર્દીની સંભાળ
એઈમ્સ રાજકોટની માહિતી
- પ્રોજેક્ટનું નામઃ એઈમ્સ, રાજકોટ
- પ્રોજેક્ટની મંજૂરીની તારીખ 10 જાન્યુઆરી 2019 31 ડિસેમ્બર, 2020ના રોજ માનનીય પ્રધાનમંત્રી દ્વારા શિલારોપણ કરવામાં આવ્યું હતું
- પ્રોજેક્ટનો મંજૂર થયેલો ખર્ચ 1195 કરોડ રૂપિયા
- ચલાવતી એજન્સી મેસર્સ એચએસસીસી (ઇન્ડિયા) લિમિટેડ
- ભૌતિક પ્રગતિ 82.5 %
- નાણાકીય પ્રગતિ 645 કરોડ
- OPD કાર્યરત તારીખ: 21મી ડિસેમ્બર 2021
એઈમ્સ રાજકોટ ખાતે આજની તારીખે સેવાઓ કાર્યરત
- હાલમાં એમ.બી.બી.એસ.ના 50 વિદ્યાર્થીઓની વાર્ષિક ભરતી
- 04 યુજી બેચ (200 વિદ્યાર્થીઓ) ચાલી રહ્યા છે અને 184 યુજી વિદ્યાર્થીઓ હાલમાં હોસ્ટેલમાં રહે છે
- નિયમિત પહોંચ પ્રવૃત્તિઓ માટે 09 ચિકિત્સા શિબિરોનું આયોજન કરવામાં આવ્યું છે.
- 21 વિભાગો કાર્યરત છે. (જનરલ મેડિસિન, ઓપ્થેલ્મોલોજી, ઇએનટી, ઓબ્સ્ટેટ્રિક્સ એન્ડ ગાયનેકોલોજી, ડર્મેટોલોજી, પેડિયાટ્રિક્સ, એનેસ્થેસિયોલોજી, રેડિયોલોજી, સર્જરી, સાઇકિયાટ્રી અને પલ્મોનરી મેડિસિન, એનાટોમી, બાયોકેમિસ્ટ્રી, માઇક્રોબાયોલોજી, પેથોલોજી, ફાર્માકોલોજી, ફિઝિયોલોજી, ડેન્ટિસ્ટ્રી વગેરે)
વિશિષ્ટ સેવાઓ
- મુખ્ય હોસ્પિટલ બ્લોક (750 પથારીઓ)
- છાત્રાલયો
- રહેણાંક સંકુલ નીચેનાં ઘટકો/સેવાઓ ફેબ્રુઆરી, 2024 સુધીમાં કાર્યરત થઈ જશે
- ચાર મોડ્યુલર ઓટી સાથે કટોકટી અને ટ્રોમા સેવાઓ
- આઈપીડી સેવાઓ (250 પથારીઓ) – ટાવર એ અને બી-હોસ્પિટલ બ્લોક (30 પથારીવાળા આયુષ બ્લોક સહિત)
- ઓપીડી સેવાઓ (14 x વિભાગો)
- એમઆરઆઇ, યુએસજી અને ડિજિટલ એક્સ રે આધારિત રેડિયો ડાયગ્નોસ્ટિક સર્વિસીસ અને અન્ય સ્ટેટ ઓફ ધ આર્ટ મેડિકલ ઇક્વિપમેન્ટ
- આઈપીડી દર્દીઓ માટે ફાર્મસી, બ્લડ સ્ટોરેજ અને ડાયગ્નોસ્ટિક સેવાઓ, અમૃત ફાર્મસી અને જન ઔષધિ કેન્દ્ર
- આઇપીડી બ્લોકમાં એલએમઓ, એમજીપીએસ, લેબ્સ અને સીએસએસડી સર્વિસીસ.
- યુજી વિદ્યાર્થીઓ અને એડમિન ઓફિસ વિસ્તાર માટે લેક્ચર હોલ અને એક્ઝામ હોલ
- યુજી બોય્ઝ એન્ડ ગર્લ્સ હોસ્ટેલ્સ વિથ ડિનિંગ હોલ (500ની ક્ષમતા)
ઝડપી અને વિશ્વસનીય સમાચારો માટે ડાઉનલોડ કરો ગુજરાતી જાગરણની ન્યૂઝ એપ.