Junagadh Municipal Corporation: જૂનાગઢ મહાનગરપાલિકામાં મેયરના નામને લઈને ચર્ચા શરૂ, જાણો કોણ છે પ્રબળ દાવેદાર!

Junagadh Municipal Corporation: જૂનાગઢ મહાનગરપાલિકાની ચૂંટણીનું ગઇકાલે પરિણામ આવ્યું અને આજે મેયર કોણ બનશે તેને લઇને શહેરીજનો અને રાજકીય વર્તૂળોમાં ચર્ચા થવા લાગી છે. મનપાની ચૂંટણીમાં ભાજપે પ્રચંડ બહુમતી મળેવી અને 60માંથી 48 બેઠકો અંકિત કરી છે. સતત ત્રીજીવાર સત્તા મેળવવામાં સફળ રહેલા ભાજપમાં મેયર પદને લઇને ઉમેદવારો દ્વારા સોગઠા ગોઠવવામાં આવી રહ્યાં છે. તેમના સમર્થકો દ્વારા પણ લોબિંગ કરવામાં આવી રહ્યું છે.

જૂનાગઢ મહાનગર પાલિકામાં ભાજપના વિજેતા ઉમેદવારો મનપાનું પ્રમુખ પદ મેળવવા માટે એડીચોંટીનું જોર લગાવી રહ્યાં છે. મનપામાં આ વખતે મેયર પદ રોટેશન મુજબ હોઇ શકે છે. જે પ્રમાણે પટેલ, બ્રાહ્મણ, લોહાણા સહિતના સમાજના ઉમેદવારો દ્વારા સોગઠા ગોઠવવામાં આવી રહ્યાં છે. મહિલા ઉમેદવારો તરફથી પણ લોબિંગ કરવામાં આવી રહ્યું છે. બીજી તરફ સ્થાનિક ભાજપ પ્રતિનિધ મંડળ અને રાજ્ય કક્ષાએ પણ જ્ઞાતિ આધારિત તમામ સમીકરણોને ધ્યાનમાં રાખીને મેયર, ડેપ્યુટી મેયર તથા સ્થાયી સમિતિના ચેરમેન સહિતના હોદ્દાઓ પર નિર્ણય કરવામાં આવી શકે છે.

જૂનાગઢ મનપાના મેયર પદ માટે આ નામો ચર્ચામાં

જૂનાગઢ મહાનગર પાલિકાની ચૂંટણીમાં જ્વલંત વિજય બાદ શહેરના મેયર કોણ તેને લઇને ચર્ચા શરૂ થઇ ગઇ છે. ત્યારે જૂનાગઢના રાજકીય વર્તૂળોમાં ભાજપના ચૂંટાયેલા 48 કોર્પોરેટરમાંથી 6 જેટલા નામોની ચર્ચા ચાલી રહી છે. જેમને મેયર પદ માટે દાવેદાર માનવામાં આવી રહ્યાં છે. જેમાં વોર્ડ-10ના મનન ધીરજલાલ અભાણી, પલ્લવી શ્રેયસભાઈ ઠાકર, વોર્ડ-11ના શૈલેષ દવે, વોર્ડ-14ના બાલુભાઈ રાડા, વોર્ડ-4ના ધર્મેશ પોશિયા, ઉપરાંત હિરેન ભાલાણીનું નામ ચર્ચા છે. મનન અભાણી નિર્વિવાદિત ચહેરો છે. યુવા મોરચાના પ્રમુખ પણ રહી ચૂક્યા છે અને જૂનાગઢ ભાજપના મહામંત્રી હતા. આ ઉપરાંત શૈલેષ દવે આરએસએસના કાર્યકર્તા છે. નિર્વિવાદિત અને સંઘમાં સારુ વર્ચસ્વ ધરાવતા હોવાનું માનવામાં આવે છે.

જૂનાગઢ મહાનગર પાલિકાનું પરિણામ

જૂનાગઢ મહાનગર પાલિકાનું વોર્ડ પ્રમાણે પરિણામ