Dhari Nagarpalika Election: ગુજરાત રાજ્ય ચૂંટણી આયોગે અમરેલી જિલ્લાની ધારી નગરપાલિકા(Dhari Nagarpalika) માટે વોર્ડ સીમાંકન અને અનામત બેઠકોની અંતિમ ફાળવણી જાહેર કરી છે. આ નિર્ણય આગામી સામાન્ય ચૂંટણીઓ(Gujarat Local Body Election)માં લાગુ પડશે. વર્ષ 2011ની વસતી ગણતરી મુજબ, ધારી નગરપાલિકા(Dhari Nagarpalika Election)ની કુલ વસતી 30352 છે. નગરપાલિકામાં કુલ 7 વોર્ડ અને 28 બેઠકો નક્કી કરવામાં આવી છે. આ બેઠકોમાંથી કુલ 14 બેઠકો મહિલાઓ માટે અનામત રાખવામાં આવી છે. કુલ 28 બેઠકો પૈકી 19 બેઠકો વિવિધ અનામત વર્ગો માટે નિર્ધારિત કરાઈ છે, જ્યારે 9 બેઠકો સામાન્ય (બિનઅનામત) રહેશે.
વર્ગવાર અનામત બેઠકોની વિગતો જોઇએ તો અનુસૂચિત જાતિ (SC) માટે 2 બેઠકો, જેમાં 1 મહિલા અનામત; અને પછાતવર્ગ (BC) માટે 8 બેઠકો, જેમાં 4 મહિલા અનામતનો સમાવેશ થાય છે. આ ઉપરાંત, 9 બેઠકો સામાન્ય (બિનઅનામત) રાખવામાં આવી છે. કુલ મળીને, 14 બેઠકો વિવિધ વર્ગો અને મહિલાઓ માટે અનામત કરાઈ છે. આગામી સામાન્ય ચૂંટણીઓ આ નવા સીમાંકન અને અનામત બેઠકોના આધારે યોજાશે.
ધારી નગરપાલિકામાં કુલ કેટલા વોર્ડ અને કેટલી બેઠકો
| કુલ વસતી (2011 પ્રમાણે) | 30352 |
| કુલ વોર્ડની સંખ્યા | 7 |
| બેઠકોની સંખ્યા | 28 |
| કુલ સ્ત્રી બેઠકો | 14 |
| અનુસૂચિત જાતિ માટે અનામત બેઠકોની સંખ્યા | 2(1 મહિલા અનામત) |
| અનુસૂચિત આદિજાતિ માટે અનામત બેઠકોની સંખ્યા | 0 |
| પછાતવર્ગ માટે અનામત બેઠકોની સંખ્યા | 8 ( 4 મહિલા અનામત) |
| કુલ અનામત બેઠકો | 19 |
| સામાન્ય બેઠકો | 9 |
ધારી નગરપાલિકામાં કયા વોર્ડમાં કેટલી અનામત બેઠકો
| વોર્ડ નં | વોર્ડની વસતી | પ્રથમ બેઠક (મહિલા અનામત) | બીજી બેઠક (મહિલા અનામત) | ત્રીજી બેઠક | ચોથી બેઠક |
| 1 | 3922 | પછાતવર્ગ | સામાન્ય | અ.સૂ. જાતિ | સામાન્ય |
| 2 | 4505 | પછાતવર્ગ | સામાન્ય | સામાન્ય | સામાન્ય |
| 3 | 3918 | સામાન્ય | સામાન્ય | પછાતવર્ગ | સામાન્ય |
| 4 | 4552 | અ.સૂ. જાતિ | સામાન્ય | પછાતવર્ગ | સામાન્ય |
| 5 | 3842 | સામાન્ય | સામાન્ય | પછાતવર્ગ | સામાન્ય |
| 6 | 4719 | પછાતવર્ગ | સામાન્ય | સામાન્ય | સામાન્ય |
| 7 | 4894 | પછાતવર્ગ | સામાન્ય | પછાતવર્ગ | સામાન્ય |
| કુલ | 30352 | ||||