Amreli News: સુક્કાભઠ્ઠ અને પીવાના પાણીની સમસ્યાથી પણ પીડાતા અમરેલી જિલ્લામાં ધોળકીયા ફાઉન્ડેશન દ્વારા જળક્રાંતિ લાવવા માટે બીડુ ઉપાડવામાં આવ્યું હતું. ગાગડીયો નદીને ઊંડી ઊતારીને જુદા-જુદા ચેકડેપો બનાવતા તેમાં હાલમાં 1500 કરોડ લીટર પાણીનો સંગ્રહ થયો છે. જેથી આસપાસના 100 ગામનું ભવિષ્ય બદલાઈ ગયું છે.
આ અંગે આ વિસ્તારના ધારાસધ્ય મહેશભાઈ કસવાલાએ જણાવ્યું કે, ધોળકીયા ફાઉન્ડેશન અને રાજ્ય સરકાર દ્વારા થયેલી કામગરીના કારણે લીલીયા તાલુકાના ભેંસાણ અને બોડીયા ગામે પ્રથમ વખત જ 6 કરોડ રૂપિયાના ખર્ચે બનેલા ચેકડેમ છલોછલ ભરાયેલા જોતા બન્ને ગામમાં ખુશીની લહેર પ્રસરી ગઈ છે. આ વિસ્તારના ખેડૂતોને મોટો ફાયદો થશે અને પાણીના સ્તર પણ ઊંચા આવશે.