Women Health Care Claims FY26t: સ્ટાર હેલ્થ એન્ડ એલાઈડ ઇન્શ્યોરન્સ કંપની લિમિટેડના ક્લેમ ડેટા મુજબ ગુજરાતમાં મહિલાઓના આરોગ્ય સેવાઓની માંગ સતત વધી રહી છે. FY25ની સરખામણીમાં FY26 દરમિયાન પ્રસૂતિ અને સ્ત્રીરોગ સંબંધિત ક્લેમ્સમાં 37% વધારો નોંધાયો છે.
નિયોનેટોલોજી અને પેરિનેટોલોજીના ક્લેમ્સમાં વધારો
આ વલણ માતૃત્વ અને નવજાત શિશુની સંભાળમાં પણ જોવા મળ્યું છે. FY26 દરમિયાન નિયોનેટોલોજી અને પેરિનેટોલોજી સંબંધિત ક્લેમ્સમાં 36% વધારો થયો છે. આ વધારો દર્શાવે છે કે, મહિલાઓના જીવનના વિવિધ તબક્કામાં સમયસર સલાહ, નિદાન અને નિષ્ણાત સારવારની જરૂરિયાત વધી રહી છે. સાથે જ, વધુ મહિલાઓ સારવાર લેવા અને પોતાના આરોગ્ય વીમાનો ઉપયોગ કરવા માટે આગળ આવી રહી છે, જે આરોગ્ય અંગે વધતી જાગૃતિનો પણ સંકેત આપે છે.
આરોગ્ય તપાસ અને સારવારનું મહત્વ
ક્લેમ્સના વ્યાપક આંકડાઓ વૃદ્ધ વયના લોકોમાં પણ આરોગ્ય સેવાઓની નોંધપાત્ર જરૂરિયાત દર્શાવે છે. FY26 દરમિયાન ગુજરાતમાં સેટલ થયેલા કુલ ક્લેમ્સમાંથી 46 થી 65 વર્ષની વયના લોકોનો હિસ્સો 38% રહ્યો, જેમાં 56 થી 65 વર્ષની વયના લોકોનો હિસ્સો 21% હતો. આથી સ્પષ્ટ થાય છે કે વધતી ઉંમર સાથે નિયમિત આરોગ્ય તપાસ અને સમયસર સારવારનું મહત્વ વધી જાય છે.
મહિલાઓએ સ્ત્રીરોગ પ્રત્યે સજાગ રહેવું
ડૉ. અભિજીત ઘોષ, ચીફ ક્લેમ્સ ઓફિસર, સ્ટાર હેલ્થ ઇન્શ્યોરન્સે જણાવ્યું "મહિલાઓની આરોગ્યસંભાળની જરૂરિયાતો જીવનના વિવિધ તબક્કાઓ સાથે બદલાતી રહે છે, તેથી સમયસર તબીબી સલાહ અને નિયમિત આરોગ્ય નિરીક્ષણ અત્યંત મહત્વપૂર્ણ છે. ગુજરાતમાં Obstetrics & Gynaecology સંબંધિત ક્લેમ્સમાં થયેલો વધારો દર્શાવે છે કે મહિલાઓએ પોતાના પ્રજનન અને સ્ત્રીરોગ સંબંધિત આરોગ્ય પ્રત્યે વધુ સજાગ રહેવાની જરૂર છે. લક્ષણો પર વહેલી તકે ધ્યાન આપવાથી અને યોગ્ય તબીબી સારવાર મેળવવાથી અનેક આરોગ્ય સમસ્યાઓનું સમયસર નિરાકરણ શક્ય બને છે."
ENT ક્લેમ્સમાં 29%નો વધારો નોંધાયો
FY26 દરમિયાન સૌથી વધુ વૃદ્ધિ નોંધાવનાર વિભાગોમાં Obstetrics & Gynaecology, Neonatology/Perinatology અને ENT (કાન, નાક અને ગળા સંબંધિત સારવાર)નો સમાવેશ થાય છે. તેમાં Obstetrics & Gynaecology ક્લેમ્સમાં 37%, Neonatology/Perinatologyમાં 36% અને ENT ક્લેમ્સમાં 29%નો વધારો નોંધાયો હતો.
વિજય અરોરા, બિઝનેસ હેડ, ગુજરાત, સ્ટાર હેલ્થ ઇન્શ્યોરન્સ, જણાવે છે કે "ગુજરાતમાં મહિલાઓના આરોગ્ય ક્ષેત્રમાં વધતો આરોગ્ય સેવા ઉપયોગ એક મહત્વપૂર્ણ વલણ છે. સાથે જ, રાજ્યમાં 46 થી 65 વર્ષની વયના લોકો કુલ ક્લેમ્સમાંથી લગભગ પાંચમાંથી બે ક્લેમ્સ માટે જવાબદાર છે. આ દર્શાવે છે કે પરિવારોએ જીવનના દરેક તબક્કે, માતૃત્વથી લઈને વૃદ્ધાવસ્થા સુધી, યોગ્ય આરોગ્ય કવરેજની જરૂર પડે છે. આરોગ્ય વીમા કંપની તરીકે અમે જાગૃતિ વધારવા અને ગ્રાહકોને જરૂરિયાત સમયે યોગ્ય આરોગ્ય સેવાઓ ઉપલબ્ધ કરાવવામાં પ્રતિબદ્ધ છીએ."
જીવનમાં આરોગ્ય જરુરિયાતોમાં બદલાવ
ગુજરાતમાં જોવા મળતા આ વલણો દર્શાવે છે કે, જીવનના વિવિધ તબક્કાઓમાં આરોગ્ય જરૂરિયાતો બદલાતી રહે છે, પછી ભલે તે માતૃત્વ અને નવજાત શિશુની સંભાળ હોય કે મધ્ય અને વૃદ્ધ વયના લોકોની આરોગ્ય જરૂરિયાતો. આ બદલાતી જરૂરિયાતોને ધ્યાનમાં રાખીને સ્ટાર હેલ્થ રાજ્યમાં પોતાના ગ્રાહકો માટે એક સંકલિત આરોગ્ય સેવા વ્યવસ્થા વિકસાવી રહ્યું છે, જેમાં નેટવર્ક હોસ્પિટલોમાં કેશલેસ સારવાર, હોમ હેલ્થ કેર દ્વારા ઘરે સારવાર અને ટોક ટુ સ્ટાર સેવા દ્વારા આયોજનબદ્ધ હોસ્પિટલાઇઝેશન માટે માર્ગદર્શન જેવી સુવિધાઓનો સમાવેશ થાય છે.