Mari Yojana : પૈસાના અભાવે વિદેશમાં ભણવાનું વિદ્યાર્થીઓનું સપનું હવે અધુરું નહીં રહે. મારી યોજના અંતર્ગત આજે ગુજરાત સરકારની વિદેશ અભ્યાસ લોન યોજના અંગે અહીં વાત કરીશું. જેમાં આ વિદેશ અભ્યાસ લોન યોજના હેઠળ બિનઅનામત વર્ગના વિદ્યાર્થીઓને વિદેશમાં એક વર્ષ કે તેથી વધુ સમયના અથવા ઓછામાં ઓછા બે સેમેસ્ટરના ઉચ્ચ શિક્ષણના અભ્યાસક્રમો માટે રૂપિયા 15 લાખ સુધીની લોન વાર્ષિક 4 ટકાના સાદા વ્યાજે આપવામાં આવે છે. નિયમ મુજબ કોઈપણ જાતિના વિદ્યાર્થી આ યોજનાનો લાભ લઈ શકશે.
ધોરણ 12ના અભ્યાસ પછી તમે વિદેશમાં અભ્યાસ કરવા જવા ઈચ્છો છો તો આ યોજના તમારા કામની છે. આ યોજનાનો લાભ લેવા માટે વ્યક્તિગત અને પરિવારની આવક મર્યાદા છ લાખની છે. એટલે કે તેનાથી ઓછી આવક ધરાવનાર કુટુંબના વિદ્યાર્થીઓ આ યોજનાનો લાભ લઈ શકશે.
વિદેશ અભ્યાસ લોન યોજના માટે જરૂરી ડોક્યુમેન્ટ
- આધાર કાર્ડ
- આવક અંગેનું પ્રમાણપત્ર
- જન્મનું પ્રમાણપત્ર
- જાતિનું પ્રમાણપત્ર
- ધો.12ની માર્કશીટ
- પાસપોર્ટ સાઈઝનો ફોટો
- પાસપોર્ટની સ્વપ્રમાણિત નકલ
- ફી ભર્યાની રસીદ
- બેંક પાસબુક / રદ ચેક
- માર્કશીટ
- રેશન કાર્ડ
- શાળા છોડ્યાનું પ્રમાણપ્રત્ર
આ યોજનાનો લાભ લેવા ઈચ્છતા વિદ્યાર્થીએ ઓનલાઈન અરજી કરવાની રહેશે. આ અરજી https://esamajkalyan.gujarat.gov.in/index.aspx પર કરી શકશો. (માહિતી સોર્સ- મારી યોજના સાઈટ)