Gujarat Municipal Election 2026 Voting Update: સાંજે 6 વાગ્યા સુધી કઇ મહાનગરપાલિકામાં કેટલું થયું મતદાન, સૌથી વધુ વાપીમાં તો સૌથી ઓછું ગાંધીધામમાં નોંધાયું

Gujarat Municipal Corporation Elections 2026 Voting Updates: ગુજરાતમાં સ્થાનિક સ્વારાજ્યની ચૂંટણી 2026ની 15 મહાનગરપાલિકાઓ માટે આજે હાથ ધરાયેલી મતદાન પ્રક્રિયામાં નવી મનપાઓમાં સારું મતદાન જોવા મળ્યું છે. સાંજે 6 વાગ્યા સુધીમાં સરેરાશ કુલ 48.55 ટકા મતદાન નોંધાયું છે. સૌથી વધુ મતદાન વાપીમાં જ્યારે સૌથી ઓછું ગાંધીધામમાં મતદાન અત્યારસુધીમાં થયું છે.

15 મહાનગરપાલિકાઓમાં કુલ 3048 ઉમેદવારો મેદાનમાં

મહાનગરપાલિકાઓની વિગતો જોઈએ તો, રાજ્યની 15 મહાનગરપાલિકાઓની કુલ 1044 બેઠકો પૈકી 43 બેઠકો પર ભાજપના ઉમેદવારો બિનહરિફ થયા છે. હવે બાકીની બેઠકો માટે કુલ 3048 ઉમેદવારો મેદાનમાં છે. આ લડાઈમાં ભાજપના 1002 ઉમેદવારોની સામે કોંગ્રેસના 951 અને આમ આદમી પાર્ટીના 697 ઉમેદવારો ચૂંટણી લડી રહ્યા છે, જ્યારે 498 ઉમેદવારો અપક્ષ અથવા અન્ય પક્ષોના છે. અમદાવાદમાં સૌથી વધુ 653 અને સુરતમાં 483 ઉમેદવારો વચ્ચે મુકાબલો થશે.

મહાનગરપાલિકાઓની વિગતો તપાસતા માલૂમ પડે છે કે, આણંદ મહાનગરપાલિકામાં સૌથી વધુ 12 બેઠકો પર ભાજપના ઉમેદવારો બિનહરીફ થયા છે. આ સિવાય મહેસાણામાં 5, ખેડામાં 3, સુરેન્દ્રનગરમાં 3, અમદાવાદમાં 2 અને વડોદરામાં 2 બેઠકો પર ભાજપ બિનહરીફ રહ્યું છે. કચ્છ, જામનગર, નવસારી અને વલસાડ મહાનગરપાલિકાઓમાં 1-1 બેઠક પર બિનહરીફ વિજય મળ્યો છે. સુરત મહાનગરપાલિકામાં તમામ 120 બેઠકો પર ચૂંટણી યોજાશે, જેમાં ભાજપના 120, કોંગ્રેસના 117 અને AAP ના 111 ઉમેદવારો સામસામે છે.

ગુજરાત મહાનગરપાલિકા ચૂંટણી 2026ની મતદાનની વિગતો | Voting Detail Gujarat Municipal Corporation Election 2026