Ahmedabad: અમદાવાદ ક્રાઈમ બ્રાન્ચની ટીમને મોટી સફળતા સાંપડી છે. જેમાં આજથી ચારેક દિવસ પહેલા શહેરના નવરંગપુરા વિસ્તારના લૉ ગાર્ડનના બગીચામાં રમી રહેલી બાળકીના અપહરણનો ગુનો ઉકેલીને આરોપી યુવતીને ઝડપી પાડી છે.
હકીકતમાં મૂળ ગોધરાના વતની આરતી મારવાડી અમદાવાદના લૉ ગાર્ડન વિસ્તારમાં પાણીની બોટલ વેચવાનું કામ કરે છે. ગત શનિવારે આરતી પોતાની 4 વર્ષની દીકરી વેદિકાને લઈને પાણીની બોટલો વેચવા આવ્યા હતા. જ્યાં સાંજના સાડા 5 વાગ્યાની આસપાસ વેદિકા અન્ય બાળકો સાથે લો ગાર્ડનના બગીચામાં રમવા માટે ગઈ હતી, જ્યાંથી તે ગુમ થઈ ગઈ હતી.
વેદિકાની શોધખોળ છતાં કોઈ ભાળ ના મળતા માતા આરતી ભીલે નવરંગપુરા પોલીસ મથકમાં ફરિયાદ નોંધાવી હતી. આ ફરિયાદના આધારે પોલીસની ટીમે તપાસ હાથ ધરી હતી. જ્યારે ગુનાની ગંભીરતાને જોતા ક્રાઈમ બ્રાન્ચની ટીમ પણ તપાસમાં જોડાઈ હતી. ક્રાઈમ બ્રાન્ચની ટીમે ઘટના સ્થળની આસપાસના CCTV ફૂટેજ ચકાસતા એક યુવતી વેદિકાને તેડીને રિક્ષામાં બેસીને જતી જોવા મળી હતી.
આ ફૂટેજના આધારે ક્રાઈમ બ્રાન્ચે આરોપી યુવતીને ઝડપી પાડીને તેની ચુંગાલમાંથી વેદિકાને છોડાવી હતી. કિડનેપર યુવતીએ બાળકીની ઓળખ ના થાય તે માટે તેના વાળ પણ કાપી નાંખ્યા હતા. જે બાદ પોલીસની ટીમે બાળકીને તેના માતાને સોંપતા પોલીસ સ્ટેશનમાં ભાવુંક દ્રશ્યો સર્જાયા હતા. હાલ તો યુવતીએ ક્યા કારણોસર બાળકીનું અપહરણ કર્યું અને તેણે કોની મદદ લીધી? તે દિશામાં પોલીસે પૂછપરછ કરવા સહિત આગળની કાયદેસરની કાર્યવાહી હાથ ધરી છે.
Piu Found Safe!
— Harsh Sanghavi (@sanghaviharsh) May 28, 2025
Key Highlights:
✅4-year-old Piu vanished while playing at Parimal Garden in Ahmedabad.
✅ Crime branch team sprang into action, scrutinizing CCTV footage and conducting door-to-door inquiries.
✅ Multiple teams worked around the clock, leaving no stone… pic.twitter.com/db27HgFSen