Who Is Jessica Hines, Aamir Khan: બોલિવૂડ અભિનેતા આમિર ખાનના ભાઈ ફૈઝલ ખાને ફરી નવો દાવો કરીને ચોંકાવી દીધા છે. તાજેતરમાં મુંબઈમાં એક પ્રેસ કોન્ફરન્સ યોજીને ફૈઝલે આમિર ખાન પર ગંભીર આરોપો લગાવ્યા છે અને તેનું નામ જેસિકા હાઇન્સ નામની એક મહિલા સાથે જોડ્યું છે.
ફૈઝલ ખાનનો આરોપ
ફૈઝલે દાવો કર્યો છે કે આમિર ખાને તેમની પ્રથમ પત્ની રીના દત્તા સાથે લગ્ન કર્યા પછી પણ જેસિકા સાથે સંબંધો રાખ્યા હતા. એટલું જ નહીં ફૈઝલે એવો પણ દાવો કર્યો છે કે તેમનો એક પુત્ર પણ હતો. ચાલો જાણીએ કોણ છે જેસિકા હાઈન્સ
જેસિકા હાઇન્સ કોણ છે
જેસિકા એક બ્રિટિશ પત્રકાર છે. તે 1998માં અમિતાભ બચ્ચન પર એક પુસ્તક લખવા માટે ભારત આવી હતી. આ દરમિયાન, તેની મુલાકાત આમિર ખાન સાથે થઈ હતી, જ્યારે તે ‘ગુલામ’ ફિલ્મનું શૂટિંગ કરી રહ્યા હતા. 2007માં જેસિકાનું પ્રખ્યાત પુસ્તક ‘લુકિંગ ફોર ધ બિગ બી’ લોન્ચ થયું.
જેસિકાનો ખુલાસો
મીડિયા રિપોર્ટ્સ અનુસાર 2005માં જેસિકાએ એક બ્રિટિશ મેગેઝિન ‘સ્ટારડસ્ટ’ને આપેલા ઇન્ટરવ્યુમાં આમિર સાથેના તેમના સંબંધો વિશે વાત કરી હતી. જોકે આમિરે ક્યારેય આ અંગે જાહેરમાં કોઈ ટિપ્પણી કરી નથી. 2007માં જેસિકાએ લંડનમાં એક ઉદ્યોગપતિ સાથે લગ્ન કર્યા અને ભારતીય સિતારોથી અંતર બનાવી લીધું.
ફૈઝલ ખાને 18 ઓગસ્ટે જાહેરમાં પ્રેસ કોન્ફરન્સ કરીને આમિર ખાન સાથેના તેમના સંબંધો તોડી નાખ્યા હોવાની જાહેરાત કરી હતી. તેણે આમિર પર ઘરમાં બંધ કરીને ત્રાસ આપવાનો પણ આરોપ લગાવ્યો છે. ઉલ્લેખનીય છે કે આમિર અને ફૈઝલે 2000માં રિલીઝ થયેલી ફિલ્મ ‘મેલા’માં સાથે કામ કર્યું હતું.