Udta Teer Box Office Day 3: આયુષ્યમાન ખુરાના અને સારા અલી ખાન સ્ટારર સ્પાય કોમેડી ફિલ્મ 'ઉડતા તીર' (Udta Teer) 23 ઓક્ટોબરે સિનેમાઘરોમાં રિલીઝ થઈ ચૂકી છે. ફિલ્મે પ્રથમ દિવસે સારી ઓપનિંગ કર્યા બાદ વીકએન્ડ પર બોક્સ ઓફિસ પર ધમાકેદાર પ્રદર્શન કર્યું છે. શનિવાર અને રવિવારે દર્શકોનો જબરદસ્ત પ્રતિસાદ મળતા કમાણીમાં મોટો ઉછાળો જોવા મળ્યો છે. ચાલો જાણીએ કે ફિલ્મે પોતાના પહેલા વીકએન્ડમાં કુલ કેટલું કલેક્શન કર્યું છે.
'ઉડતા તીર' બોક્સ ઓફિસ કલેક્શન ડે 3
સૈકનિલ્ક (Sacnilk)ના અહેવાલ મુજબ, ફિલ્મે 4.10 કરોડ રૂપિયાની કમાણી સાથે ધીમી પણ મજબૂત ઓપનિંગ કરી હતી. બીજા દિવસે એટલે કે શનિવારે ફિલ્મની કમાણીમાં મોટો ઉછાળો આવ્યો અને તેણે 7.25 કરોડ રૂપિયાનો બિઝનેસ કર્યો.
જ્યારે ત્રીજા દિવસે (રવિવારે) ફિલ્મે પોતાની પકડ વધુ મજબૂત બનાવીને 7.27 કરોડ રૂપિયાનું નેટ કલેક્શન કર્યું છે. રવિવારે દેશભરમાં ફિલ્મ સરેરાશ 24% ઓક્યુપન્સી અને 5,691 શોઝ સાથે ચાલી હતી.
3 દિવસના કલેક્શનના આંકડા
| દિવસ | કલેક્શન (રૂપિયામાં) |
| દિવસ 1 (શુક્રવાર) | ₹4.10 કરોડ |
| દિવસ 2 (શનિવાર) | ₹7.25 કરોડ |
| દિવસ 3 (રવિવાર) | ₹7.27 કરોડ |
| કુલ નેટ ઇન્ડિયા કલેક્શન | ₹૧18.62 કરોડ |
| કુલ ગ્રોસ ઇન્ડિયા કલેક્શન | ₹22.11 કરોડ |
શું છે ફિલ્મની વાર્તા?
ફિલ્મની વાર્તા આયુષ્યમાન ખુરાનાના પાત્ર બિલાલ અહમદની આસપાસ ફરે છે, જે પાકિસ્તાનની ગુપ્તચર સંસ્થા ISIનો સ્લીપર એજન્ટ છે. તે ભારતમાં ઘૂસણખોરી કરીને કાશ્મીરના બારામુલ્લામાં સ્થિત ઈન્ડિયન કાઉન્ટર ટેરરિઝમ સ્ક્વોડ (CTS)માં સામેલ થઈ જાય છે.
પરંતુ વાર્તામાં ટ્વિસ્ટ ત્યારે આવે છે જ્યારે એક અકસ્માતમાં બિલાલ પોતાની યાદશક્તિ ગુમાવી બેસે છે અને પોતાની સાચી ઓળખ ભૂલી જાય છે. તેને લાગે છે કે તે એક કટ્ટર દેશભક્ત ભારતીય એજન્ટ છે!
તેની આ અસમંજસ કે—"દેશભક્તિ તો યાદ છે પણ એ નથી યાદ કે કયા દેશની!"—સિનેમાઘરોમાં હાસ્યનું લોટપોટ વાતાવરણ ઊભું કરે છે. પોતાની સાચી ઓળખથી અજાણ બિલાલ અંદર રહીને જ પાકિસ્તાની આતંકી નેટવર્કનો સફાયો કરવા લાગે છે, જેનાથી તેના અસલી ISI હેન્ડલર્સ અને સાથી આતંકવાદીઓ ભારે મુશ્કેલીમાં મુકાઈ જાય છે.
ફિલ્મની સ્ટાર કાસ્ટ અને મેકિંગ
લેખક અને ડિરેક્ટર: આકાશ કૌશિક
પ્રોડ્યુસર્સ: કરણ જોહર, અદાર પૂનાવાલા, ગુનીત મોંગા, અપૂર્વ મહેતા અને અચીન જૈન
પ્રોડક્શન બેનર: ધર્મા પ્રોડક્શન્સ (Dharma Productions) અને સિખ્યા એન્ટરટેઈનમેન્ટ (Sikhya Entertainment)
મુખ્ય કલાકારો: આયુષ્યમાન ખુરાના અને સારા અલી ખાન
સહ-કલાકારો: રાહુલ બોસ, રામ કપૂર, ગુલશન ગ્રોવર, મુકુલ દેવ, સુહેલ નય્યર, સુપ્રિયા પીલગાંવકર, બ્રિજેન્દ્ર કાલા અને સંદીપ આનંદ.