Sunny Sanskari Box Office Collection Day 4: વરુણ ધવન (Varun Dhawan) અને જાહ્નવી કપૂર (Janhvi Kapoor) સ્ટારર ફિલ્મ 'સની સંસ્કારી કી તુલસી કુમારી' એ વીકએન્ડ પર બોક્સ ઓફિસ પર સારું પ્રદર્શન કરી રહી છે. આ ફિલ્મ 2 ઓક્ટોબરના રોજ થિયેટરોમાં રિલીઝ થઈ હતી અને તેણે સારી ઓપનિંગ કરી હતી. સામાન્ય રીતે ફિલ્મો વીકએન્ડ કલેક્શનમાં વધારો નોંધાવે છે. આ ફિલ્મે પહેલા દિવસે 9.25 કરોડની ઓપનિંગ કરી હતી. હવે રિપોર્ટ મુજબ ફિલ્મે ચોથા દિવસે પણ બોક્સ ઓફિસ પર શાનદાર કમાણી કરી છે. અત્યાર સુધીમાં આ ફિલ્મ 25 કરોડ કમાઈ ચૂકી છે.
Sunny Sanskari Box Office Collection Day 4
ફિલ્મના વર્લ્ડવાઇડ કલેક્શનની વાત કરીએ તો તેણે ત્રણ દિવસમાં વિશ્વભરમાં 31.70 કરોડનો આંકડો પાર કરી લીધો છે. આમાં ઓવરસીઝ કલેક્શન 5 કરોડ છે અને ઇન્ડિયા ગ્રોસ કલેક્શન 26.70 કરોડ છે. ચોથા દિવસના વર્લ્ડવાઇડ કલેક્શનના આંકડા હજુ આવવાના બાકી છે. આ કલેક્શન સાથે ફિલ્મનું ચાર દિવસનું કુલ કલેક્શન 29.2 કરોડ થઈ ગયું છે.
- પ્રથમ દિવસ: 9.25 કરોડ
- બીજો દિવસ: 5.5 કરોડ
- ત્રીજો દિવસ: 7.5 કરોડ
- ચોથો દિવસ (રવિવાર): 6.95 કરોડ ( શરૂઆતી આંકડા)
'કાંતારા ચેપ્ટર 1' સાથે ટક્કર
વરુણ ધવન અને જાહ્નવી કપૂરની આ ફિલ્મને બોક્સ ઓફિસ પર ઋષભ શેટ્ટીની 'કાંતારા ચેપ્ટર 1' (Kantara Chapter 1) તરફથી સખત સ્પર્ધા મળી રહી છે. 'કાંતારા ચેપ્ટર 1' એ વર્ષની સૌથી વધુ રાહ જોવાતી ફિલ્મોમાંની એક હતી અને તે અપેક્ષા મુજબ મોટી સંખ્યામાં દર્શકોને થિયેટર સુધી ખેંચવામાં સફળ રહી છે. સ્વાભાવિક છે કે આનાથી 'સની સંસ્કારી કી તુલસી કુમારી'ના બોક્સ ઓફિસ કલેક્શન પર અસર પડી રહી છે.
ફિલ્મ કાસ્ટ અને બજેટ
કથિત રીતે 'સની સંસ્કારી કી તુલસી કુમારી'નું બજેટ 80 કરોડ છે. આ ફિલ્મનું દિગ્દર્શન અને લેખન શશાંક ખેતાન દ્વારા કરવામાં આવ્યું છે અને કરણ જોહર તેના કો-પ્રોડ્યુસર છે. આ ફિલ્મમાં વરુણ ધવન, જાહ્નવી કપૂરની સાથે સાન્યા મલ્હોત્રા, રોહિત સરફ અને મનીષ પોલ જેવા કલાકારો શામેલ છે. હવે જોવાનું એ છે કે પહેલા વીકએન્ડ પછી ફિલ્મ બોક્સ ઓફિસ પર કેવું પ્રદર્શન કરે છે.