Salman Khan On Dharmendra, Bigg Boss 19 Finale: બિગ બોસ 19નો ગ્રાન્ડ ફિનાલે ખૂબ જ ધમાકેદાર રહ્યો, જેમાં ગૌરવ ખન્ના શોના વિજેતા બન્યા છે. ફિનાલે દરમિયાન સલમાન ખાને પોતાની ધમાકેદાર શૈલીમાં ભરપૂર મનોરંજન કર્યું, જેમાં તેમનો રમૂજી સ્વભાવ, પવન સિંહ સાથેનો ડાન્સ અને સ્પર્ધકો સાથેની મસ્તી-મજાક સામેલ હતા. જોકે આ હાસ્ય, ખુશી અને ઉજવણીની વચ્ચે સલમાન ખાન દિગ્ગજ અભિનેતા ધર્મેન્દ્રને યાદ કરીને ખૂબ જ ભાવુક થઈ ગયા. સલમાન ખાને દિગ્ગજ અભિનેતા ધર્મેન્દ્રને ખાસ શ્રદ્ધાંજલિ આપી.
ધર્મેન્દ્રને યાદ કરીને ન રોકાયા સલમાનના આંસુ
ધર્મેન્દ્રને યાદ કરતી વખતે સલમાન ખાનની આંખોમાંથી આંસુ રોકાવાનું નામ નહોતા લઈ રહ્યા અને તેઓ સ્ટેજ પર જ રડી પડ્યા. આ પહેલાં કદાચ જ કોઈએ સલમાનને આ રીતે રડતા જોયા હશે. તેમણે મુશ્કેલીથી પોતાને સંભાળ્યા અને સલમાનને રડતા જોઈને ત્યાં હાજર દરેક વ્યક્તિ ભાવુક થઈ ગઈ હતી. સલમાનને રોતા જોઈને ત્યાં સન્નાટો છવાઈ ગયો હતો અને દરેકની આંખો ભીની દેખાઈ હતી.
સલમાન માટે ધર્મેન્દ્ર હતા પિતા સમાન
સલમાન ખાન ધર્મેન્દ્રના હૃદયની ખૂબ નજીક હતા અને તેઓ તેમને પોતાના પિતા સમાન માનતા હતા. ધર્મેન્દ્ર પણ સલમાનને પોતાનો ત્રીજો દીકરો કહેતા હતા. બિગ બોસમાં ધર્મેન્દ્ર દર વર્ષે તેમની હાજરીથી શોની રોનક વધારતા હતા. પરંતુ આ વર્ષે બીમારીને કારણે તેઓ શોમાં આવી શક્યા નહીં અને શો દરમિયાન જ 24 નવેમ્બરના રોજ તેમનું નિધન થયું. ધર્મેન્દ્રના જવાથી સલમાન ખાનને પણ મોટો આઘાત લાગ્યો છે.
અમે અમારા હી-મેનને ગુમાવ્યા છે
સલમાને બિગ બોસ 19ના ગ્રાન્ડ ફિનાલેમાં ધર્મેન્દ્રને શ્રદ્ધાંજલિ આપી અને અભિનેતા સાથેની પોતાની સુંદર યાદોને ચાહકો સાથે શેર કરી. ધર્મેન્દ્રને યાદ કરીને સલમાને કહ્યું કે અમે અમારા હી-મેન ગુમાવી દીધા છે. તેમણે ધર્મેન્દ્રજીને સૌથી શાનદાર વ્યક્તિ ગણાવ્યા. સલમાનના મતે ધરમ જી કરતાં સારો કોઈ માણસ નથી. તેમણે જે જીવન જીવ્યું છે, દિલ ખોલીને જીવ્યું છે. તેમણે મનોરંજન ક્ષેત્રને 60 વર્ષ આપ્યા અને ઇન્ડસ્ટ્રીને સની-બોબી આપ્યા.
ધર્મેન્દ્રના કરિયર ગ્રાફને ફોલો કર્યો
સલમાને વધુમાં જણાવ્યું કે ધર્મેન્દ્રજીએ જ્યારે ઇન્ડસ્ટ્રી જોઈન કરી ત્યારથી લઈને અત્યાર સુધી તેમને માત્ર સારું કામ જ કરવું હતું. તેમણે કોમેડી અને એક્શન સહિત દરેક પ્રકારની ભૂમિકાઓ ભજવી. સલમાને કહ્યું કે તેમણે પોતાના કરિયર ગ્રાફમાં હંમેશા ધર્મેન્દ્રજીને ફોલો કર્યા છે. ધર્મેન્દ્ર હી-મેન બોડીમાં મોહક અને નિર્દોષ પાત્ર લઈને આવ્યા હતા અને તેમણે અમારું ખૂબ મનોરંજન કર્યું. સલમાને કહ્યું કે અમે હંમેશા તેમને યાદ કરીશું. લવ યુ ધરમ પાજી.