Laalo Box Office Collection Day 48: ગુજરાતી ફિલ્મ 'લાલો - કૃષ્ણ સદા સહાયતે' (Laalo - Krishna Sada Sahaayate) બોક્સ ઓફિસ પર તેની મજબૂત પકડ જાળવી રાખી છે. ફિલ્મને રિલીઝ થયાને દોઢ મહિનાથી વધુ સમય થઈ ગયો હોવા છતાં, દર્શકોનો પ્રેમ અવિરત મળી રહ્યો છે. ફિલ્મે તેના 48મા દિવસે પણ કરોડોની કમાણી કરી છે.
ફિલ્મ 'લાલો'ની કમાણીના આંકડા
ફિલ્મે તેની રિલીઝના પ્રથમ 47 દિવસમાં ભારતીય બોક્સ ઓફિસ પર અંદાજે 76.60 કરોડ રૂપિયાની શાનદાર કમાણી કરી હતી. તાજેતરના પ્રારંભિક અંદાજો મુજબ, ફિલ્મે તેના 48મા દિવસે ભારતમાં લગભગ 1.35 કરોડ રૂપિયાનો બિઝનેસ કર્યો છે. આ સાથે ફિલ્મ કુલ કલેક્શનના મામલે નવા સીમાચિહ્નો સર કરી રહી છે.
થિયેટર ઓક્યુપન્સી રિપોર્ટ બુધવાર, 26 નવેમ્બર, 2025 ના રોજ ગુજરાતી થિયેટરોમાં ફિલ્મની એકંદરે 13.81% ઓક્યુપન્સી જોવા મળી હતી. દિવસ દરમિયાન શો વાઈઝ ઓક્યુપન્સી નીચે મુજબ રહી હતી:
- મોર્નિંગ શો: 4.48%
- બપોરનો શો: 12.05%
- સાંજના શો: 10.88%
- નાઈટ શો: 27.81%
આ આંકડા દર્શાવે છે કે કામકાજના દિવસોમાં પણ રાત્રિના શોમાં દર્શકોની સંખ્યા નોંધપાત્ર રહી છે.
'લાલો - કૃષ્ણ સદા સહાયતે' વિશે
અંકિત સખિયા દ્વારા દિગ્દર્શિત આ ફિલ્મનું નિર્માણ આરડી બ્રધર્સ મૂવીઝ, મેનિફેસ્ટ ફિલ્મ્સ અને સોલ સૂત્ર દ્વારા કરવામાં આવ્યું છે. ફિલ્મમાં કરણ જોશી, રીવા રાચ્છ, શ્રુહદ ગોસ્વામી, અંશુ જોશી અને કિન્નલ નાયક જેવા કલાકારોએ મુખ્ય ભૂમિકા ભજવી છે, જેમના અભિનયના દર્શકો દ્વારા ભારે વખાણ થઈ રહ્યા છે.