નીમ કરોલી બાબાના આશીર્વાદથી ચમકી કિસ્મત: ઓછી બજેટવાળી આ ફિલ્મે બોક્સ ઓફિસ પર રચી દીધો ઇતિહાસ

Hanuman Ansh Box Office: દક્ષિણ અને હિન્દી સિનેમામાં અવારનવાર એવી ફિલ્મો આવે છે જે ઓછા બજેટ હોવા છતાં બોક્સ ઓફિસ પર ઇતિહાસ રચી દે છે. હાલમાં વિશાલ ચતુવેદીના નિર્દેશનમાં બનેલી ફિલ્મ 'હનુમાન અંશ' (Hanuman Ansh) કંઈક આવો જ ચમત્કાર કરી રહી છે. આ ફિલ્મ પર જાણે નીમ કરોલી બાબા (Neem Karoli Baba) ના આશીર્વાદ વરસી રહ્યા હોય તેમ બોક્સ ઓફિસ પર તેની ગતિ અટકવાનું નામ નથી લઈ રહી. રિલીઝના 41 દિવસ વીતી ગયા પછી પણ થિયેટરોમાં આ ફિલ્મનો દબદબો યથાવત છે.

નીમ કરોલી બાબાના જીવન પર આધારિત છે ફિલ્મ

શોભિનવ સત્યા (Shobhinaw Satyaa)ની મુખ્ય ભૂમિકાવાળી આ ફિલ્મ આધ્યાત્મિક ગુરુ નીમ કરોલી બાબાના જીવન અને દર્શન પર આધારિત છે. ફિલ્મની અદભુત કહાની અને કલાકારોના દમદાર અભિનયે દર્શકોના દિલ જીતી લીધા છે. શરૂઆતના દિવસોમાં સામાન્ય કમાણી કરનાર આ ફિલ્મે વીકડેઝ અને વીકએન્ડમાં અકલ્પનીય ગ્રોથ નોંધાવ્યો છે.

બોક્સ ઓફિસ પર કમાણીનો અદ્ભુત રેકોર્ડ

Sacnilkના રિપોર્ટ મુજબ, ફિલ્મે બોક્સ ઓફિસ પર અસાધારણ પ્રદર્શન કર્યું છે.

સાપ્તાહિક ગ્રોથ: ફિલ્મે પહેલા અઠવાડિયે આશરે 1.08 કરોડ રૂપિયાની કમાણી કરી હતી. જોકે, બીજા અઠવાડિયે કમાણી ઘટીને 40 લાખ પર આવી ગઈ હતી, પરંતુ ત્રીજા અઠવાડિયામાં ચમત્કારિક રીતે ફિલ્મે 10.40 કરોડ રૂપિયાનું કલેક્શન કર્યું.

ચોથું અને પાંચમું અઠવાડિયું: ચોથા અઠવાડિયામાં ફિલ્મનું કલેક્શન વધીને 61 કરોડ અને પાંચમા અઠવાડિયામાં 90.25 કરોડ સુધી પહોંચી ગયું હતું.

41મા દિવસનું કલેક્શન: રિલીઝના 41મા દિવસે પણ ફિલ્મે અંદાજે 4.08 કરોડ રૂપિયાનું મજબૂત કલેક્શન કરીને બધાને ચોંકાવી દીધા છે.

કુલ કમાણી અને બજેટ

આ સાથે જ ભારતમાં ફિલ્મનું કુલ નેટ કલેક્શન 235.21 કરોડ રૂપિયા અને ગ્રોસ કલેક્શન 277.72 કરોડ રૂપિયા પર પહોંચી ગયું છે. ખાસ વાત એ છે કે આ ફિલ્મનું નિર્માણ માત્ર 2 કરોડ રૂપિયાના નાના બજેટમાં થયું હતું. મર્યાદિત સાધનો સાથે બનેલી આ ફિલ્મે જે પ્રકારની સફળતા મેળવી છે તે બોક્સ ઓફિસ પર એક નવો ઇતિહાસ છે.

આગામી દિવસોમાં ફિલ્મની આ જ ગતિ રહી તો તે ખૂબ જ ઝડપથી 300 કરોડના ક્લબમાં સામેલ થઈ જશે. હાલના સમયમાં આ ફિલ્મ બોક્સ ઓફિસ પર મોટી ફિલ્મોને પણ જોરદાર ટક્કર આપી રહી છે.