Kinjal Dave Fitness: ગુજરાતની લોકપ્રિય ગાયિકા કિંજલ દવે ફરી એકવાર સોશિયલ મીડિયા પર ચર્ચાનું કેન્દ્ર બની છે. આ વખતે ચર્ચા તેના કોઈ નવા ગીતની નહીં, પરંતુ તેના શાનદાર ફિટનેસ ટ્રાન્સફોર્મેશનની થઈ રહી છે. લગ્ન પહેલા કિંજલ દવે પોતાની જાતને ફિટ અને સ્લિમ રાખવા માટે જીમમાં સખત મહેનત કરી રહી છે, જેની ઝલક તેણે ફેન્સ સાથે શેર કરી છે.
જીમમાં વર્કઆઉટ કરતા ફોટોઝ વાયરલ
કિંજલ દવેએ તેના સત્તાવાર ઇન્સ્ટાગ્રામ એકાઉન્ટ પર જીમમાં વર્કઆઉટ કરતી કેટલીક તસવીરો અને વીડિયો શેર કર્યા છે. આ ફોટોઝમાં તે બ્લેક જીમ આઉટફિટમાં જોવા મળી રહી છે અને અત્યંત ફિટ દેખાઈ રહી છે. પોતાના વ્યસ્ત શિડ્યુલ અને પ્રોગ્રાબ્સ વચ્ચે પણ તે ફિટનેસ માટે સમય કાઢી રહી છે, જે જોઈને તેના ચાહકો આશ્ચર્યચકિત થઈ ગયા છે.
લગ્નની તૈયારીઓ અને ફિટનેસ ગોલ્સ
સૂત્રોના જણાવ્યા અનુસાર, કિંજલ દવે ટૂંક સમયમાં લગ્નના બંધનમાં બંધાવા જઈ રહી છે. લગ્નના ખાસ દિવસે તે પરફેક્ટ લુકમાં જોવા માંગે છે અને તેથી જ તેણે સ્પેશિયલ ફિટનેસ રૂટિન ફોલો કરવાનું શરૂ કર્યું છે. સોશિયલ મીડિયા પર તેના ચાહકો તેને ‘ફિટનેસ ક્વીન’ કહી રહ્યા છે અને તેના સમર્પણના વખાણ કરી રહ્યા છે.
સોશિયલ મીડિયા પર ફેન્સની પ્રતિક્રિયા
કિંજલની આ પોસ્ટ પર હજારોની સંખ્યામાં લાઈક્સ અને કોમેન્ટ્સ આવી રહી છે. ફેન્સ કોમેન્ટ સેક્શનમાં પૂછી રહ્યા છે કે, "શું આ તૈયારી લગ્ન માટે છે?" તો કોઈ કહી રહ્યું છે કે "કિંજલનો આ નવો લુક ખૂબ જ પ્રેરણાદાયક છે." ગાયિકાની ફિટનેસ પ્રત્યેની આ ગંભીરતા જોઈને અન્ય યુવા કલાકારો પણ પ્રેરાઈ રહ્યા છે.