Gujarati Films Releasing Aug Sept 2026: ગુજરાતી ફિલ્મ ઈન્ડસ્ટ્રીના પ્રેક્ષકો માટે ઓગસ્ટ અને સપ્ટેમ્બર 2026 નો મહિનો મનોરંજનથી ભરપૂર રહેવાનો છે. આ બે મહિના દરમિયાન બોક્સ ઓફિસ પર એક પછી એક મોટી અને વૈવિધ્યસભર ગુજરાતી ફિલ્મો સિનેમાઘરોમાં રિલીઝ થવા માટે તૈયાર છે. કૌટુંબિક મનોરંજન, રોમેન્ટિક ડ્રામા, કોમેડી અને ફ્રેન્ડશિપ બેઝ્ડ સ્ટોરીઝ ધરાવતી આ ફિલ્મોના લાઇન-અપથી દર્શકોમાં ભારે ઉત્સાહ જોવા મળી રહ્યો છે.
આગામી રિલીઝ થનારી ફિલ્મોની સંપૂર્ણ વિગત:
ટૉમ એન્ડ ચેરી (Tom & Cherry - 28 ઓગસ્ટ 2026):
ધર્મેશ મહેતા દ્વારા નિર્દેશિત આ ફિલ્મ 28 ઓગસ્ટે રિલીઝ થશે. આ કૌટુંબિક ફિલ્મમાં સુપરસ્ટાર સિદ્ધાર્થ રાંદેરિયા અને ધન્યા દોશી મુખ્ય ભૂમિકામાં જોવા મળશે.
અસંભાઉઉઉ (Asambhaauuu - 4 સપ્ટેમ્બર 2026):
સપ્ટેમ્બર મહિનાની શરૂઆતમાં જ 4 સપ્ટેમ્બરે આ કોમેડી-ડ્રામા ફિલ્મ રિલીઝ થઈ રહી છે, જેમાં એક પાલતુ શ્વાન પણ વાર્તાનું મુખ્ય આકર્ષણ બનશે.
પીધા પછી... (Peedha Pachhi... - 11 સપ્ટેમ્બર 2026):
"ચાર મિત્રો, એક વેકેશન અને ઝીરો પ્લાન્સ" ની ટેગલાઈન ધરાવતી આ યુથ-સેન્ટ્રિક એન્ટીક ફિલ્મ 11 સપ્ટેમ્બરે થિયેટરોમાં દસ્તક આપશે.
ચટણી (Chatni - 18 સપ્ટેમ્બર 2026):
18 સપ્ટેમ્બરે મનોરંજનનો સ્વાદ બમણો કરવા માટે એક મજેદાર કૌટુંબિક ડ્રામા ફિલ્મ 'ચટણી' સિલ્વર સ્ક્રીન પર આવશે.
ફિરકી (Phirke - 18 સપ્ટેમ્બર 2026):
18 સપ્ટેમ્બરે જ રિલીઝ થઈ રહેલી આ ફિલ્મમાં બૉલીવુડના પ્રખ્યાત કૉમેડિયન જ્હોની લીવર પણ પોતાની અનોખી કૉમેડીનો તડકો લગાવતા નજરે પડશે.
મિત્રતા (Mitrata - 25 સપ્ટેમ્બર 2026):
અનિલ કર્ણિક દ્વારા નિર્દેશિત અને "ફ્રેન્ડશિપની લવસ્ટોરી" થીમ પર આધારિત ફિલ્મ 'મિત્રતા' 25 સપ્ટેમ્બરે સિનેમાઘરોમાં ધૂમ મચાવશે. આ ફિલ્મનું નિર્માણ પાર્થિવ ગોહિલ અને માનસી પારેખ દ્વારા કરવામાં આવ્યું છે.