Govinda Cameo Viral from Avatar 3: તાજેતરમાં હોલીવુડની જાણીતી ફિલ્મ સીરિઝનો ત્રીજો ભાગ 'અવતાર: ફાયર એન્ડ એશ' ચર્ચામાં છે. ફિલ્મની રિલીઝ બાદ સોશિયલ મીડિયા પર બોલિવૂડ અભિનેતા ગોવિંદાના અવતાર લુકમાં ઘણા ફોટા અને વીડિયો વાયરલ થઈ રહ્યા છે. આ જોઈને ઘણા લોકોને એવું લાગ્યું કે ફિલ્મમાં ગોવિંદાનો કેમિયો છે, પરંતુ અહેવાલો અનુસાર આ વાત સંપૂર્ણપણે ખોટી અને ફેક છે.
AI દ્વારા તૈયાર કરવામાં આવેલ કન્ટેન્ટ
આ વાયરલ થઈ રહેલો વીડિયો હકીકતમાં એઆઈ (AI - આર્ટિફિશિયલ ઇન્ટેલિજન્સ) ની મદદથી બનાવવામાં આવ્યો છે. આ વીડિયોમાં ગોવિંદા અવતારના રૂપમાં જોવા મળે છે અને તેનો લોકપ્રિય ડાયલોગ "હટા સાવન કી ઘટા, બત્તી બુઝા" બોલે છે. આ સિવાય એક તસવીરમાં તે થિયેટરની સ્ક્રીન પર ગુજરાતી સ્ટાઈલની કલરફુલ જેકેટ પહેરેલો પણ દેખાય છે, જે સોશિયલ મીડિયા યુઝર્સ દ્વારા બનાવવામાં આવી છે. ગોવિંદા ખરેખર આ ફિલ્મનો ભાગ નથી.
Literally boosebumps after watching this scene? pic.twitter.com/9xQ2ri4KLX
— V.I.V.E.K (@vivek_1052) December 22, 2025
આ પ્રકારના મીમ્સ અને એઆઈ ફોટા વાયરલ થવા પાછળ ગોવિંદાના જૂના ઈન્ટરવ્યુ જવાબદાર છે. અહેવાલો અનુસાર ગોવિંદાએ ભૂતકાળમાં દાવો કર્યો હતો કે ડાયરેક્ટર જેમ્સ કેમેરુને તેમને 'અવતાર' ફિલ્મમાં રોલ ઓફર કર્યો હતો, પરંતુ તેમણે તે સ્વીકાર્યો નહોતો. મુકેશ ખન્નાને આપેલા ઈન્ટરવ્યુમાં ગોવિંદાએ કહ્યું હતું કે તેમને ફિલ્મનો આઈડિયા પસંદ ન આવતા તેમણે આ ઓફર ઠુકરાવી દીધી હતી.
શા માટે ગોવિંદાએ 'અવતાર' રિજેક્ટ કરી હતી?
ગોવિંદાના દાવા મુજબ તેમને આ ફિલ્મ માટે અંદાજે 18 થી 21.5 કરોડ રૂપિયાની ઓફર કરવામાં આવી હતી. તેમણે વધુમાં જણાવ્યું હતું કે ફિલ્મનું 'અવતાર' હેડિંગ પણ તેમણે જ સૂચવ્યું હતું. જોકે શૂટિંગના 410 દિવસ અને આખા શરીર પર બોડી પેઈન્ટ કરવાના કારણે સ્વાસ્થ્ય બગડવાના ડરથી તેમણે ફિલ્મ કરવાની ના પાડી હતી. તેમણે એમ પણ કહ્યું હતું કે તેમને હીરોનું પાત્ર 'લંગડા' તરીકે બતાવવામાં આવે તે ગમ્યું નહોતું.
ગોવિંદાના આ દાવાઓ પર તેમની પત્ની સુનીતા આહુજાએ આશ્ચર્ય વ્યક્ત કર્યું છે. ઉર્ફી જાવેદના પોડકાસ્ટમાં તેમણે જણાવ્યું હતું કે તેઓ છેલ્લા 40 વર્ષથી ગોવિંદા સાથે છે, પરંતુ તેમને ક્યારેય આવી કોઈ ઓફર વિશે જાણ થઈ નથી. તેમણે સ્પષ્ટ કર્યું હતું કે તેઓ આ બાબતે કોઈ જૂઠું બોલશે નહીં અને તેમને આવા કોઈ પ્રોડ્યુસર કે ડાયરેક્ટરના ઓફર વિશે કોઈ માહિતી નથી.