નવી દિલ્હી.
Bhola Teaser: નવા વર્ષની શરૂઆત થઈ ગઈ છે. તમામ સેલિબ્રિટી તેમના ચાહકોને નવા વર્ષની શુભકામનાઓ ખાસ રીતે આપી રહ્યા છે. બોલિવૂડ સુપરસ્ટાર અજય દેવગણે (Ajay Devgn) પણ નવા વર્ષ પર પોતાના ફેન્સને ખાસ ભેટ આપી છે. અજય દેવગણે નવા વર્ષનું ધમાકેદાર સ્વાગત કર્યું છે. તેણે પોતાના ઈન્સ્ટાગ્રામ પર એક વીડિયો શેર કર્યો છે, જેમાં તેની ફિલ્મ 'ભોલા' (Bholaa)ની ઝલક બતાવવામાં આવી છે.
અજય દેવગને તેના ઇન્સ્ટાગ્રામ પર તેની આગામી ફિલ્મ 'ભોલા'ની ઝલક બતાવી છે. આ વીડિયોને શેર કરતા અજયે કેપ્શનમાં લખ્યું, 'ભોલાનું વર્ષ શરૂ થઈ ગયું છે. બધાને નવા વર્ષની શુભેચ્છા. અજય દેવગનના આ વીડિયો પર ફેન્સ ઘણો પ્રેમ વરસાવી રહ્યા છે. આ સાથે તેઓ પોતાની પ્રતિક્રિયા પણ આપી રહ્યા છે. સોશિયલ મીડિયા યુઝર્સે પણ તેને તેની આગામી ફિલ્મ 'ભોલા' માટે શુભેચ્છા પાઠવી હતી. અજય દેવગનના વીડિયોને 2 કલાકમાં લાખો લોકો દ્વારા પસંદ કરવામાં આવ્યો છે. તો અનેક લોકો દ્વારા તેના પર કોમેન્ટ્સ કરીને પોતાની પ્રતિક્રિયાઓ પણ આપી રહ્યા છે. ઘણા લોકોએ આ વીડિયો પર જય ભોલેનાથ, જય શંભુ, જય હો ભોલેનાથ, હર હર ભોલા જેવી કોમેન્ટ કરી છે.
અજય દેવગન અવારનવાર પોતાની ફિલ્મ 'ભોલા'ની માહિતી ફેન્સ સાથે શેર કરે છે. તે પોતાની ફિલ્મને લઈને ખૂબ જ ઉત્સાહિત દેખાઈ રહ્યો છે. આ પહેલા પણ અજય દેવગણે ફિલ્મ 'ભોલા' સાથે જોડાયેલા ઘણા પોસ્ટર અને વીડિયો શેર કર્યા હતા. તે તસવીરોમાં અજય દેવગણે કપાળ પર ત્રિપુંડ પહેર્યો હતો અને તે ખૂબ જ ખુશ દેખાઈ રહ્યો હતો. અજય દ્વારા શેર કરવામાં આવેલા લેટેસ્ટ વીડિયોમાં તેની આંખો દેખાઈ રહી છે અને તેની આંખો ગુસ્સાથી ભરેલી છે.અજય દેવગન સ્ટારર 'ભોલા' તમિલ સુપરહિટ ફિલ્મ 'કૈથી'ની હિન્દી રિમેક છે. ખાસ વાત એ છે કે આ ફિલ્મને અજય દેવગણે પોતે ડિરેક્ટ કરી છે. આ ફિલ્મમાં અજય દેવગન ઉપરાંત અભિનેત્રી તબ્બુ, સંજય મિશ્રા અને દીપક પણ મુખ્ય ભૂમિકામાં જોવા મળશે. ફિલ્મ 'ભોલા' આ વર્ષે 30 માર્ચે સિનેમાઘરોમાં આવશે. આ ફિલ્મ 3Dમાં પણ રિલીઝ થશે.
અજય દેવગનની ફિલ્મ દ્રશ્યમ 2 ફિલ્મે ધૂમ મચાવી
ફિલ્મ 'દ્રશ્યમ 2'ની સુપરહિટ બાદ હવે દર્શકો તેની ફિલ્મ 'ભોલા'ની રિલીઝની આતુરતાથી રાહ જોઈ રહ્યા છે. અજય દેવગનની ફિલ્મ દ્રશ્યમ 2 2022માં રિલીઝ થઈ હતી. આ ફિલ્મે બોક્સ ઓફિસ પર 200 કરોડથી વધુની કમાણી કરી છે. તે દ્રશ્યમ ફિલ્મની સિક્વલ હતી. આ ફિલ્મને લઈને ચાહકોમાં ભારે ઉત્સાહ જોવા મળ્યો હતો. આ ફિલ્મમાં તેના સિવાય તબ્બુ અને અક્ષય ખન્નાની પણ મહત્વની ભૂમિકા હતી.