અમદાવાદ જિલ્લા વેજલપુર વિધાનસભા બેઠક પર ભાજપ ઉમેદવાર અમિત ઠાકર 59,651 મતે વિજેતા થયા છે. આ બેઠક પર તેમનો મુકાબલો કોંગ્રેસના ઉમેદવાર રાજેન્દ્ર પટેલ સાથે હતો.
અમિત ઠાકરને આ બેઠક પર કુલ 1,28,049 મત એટલે કે સરેરાશ 56.18 ટકા મત મળ્યા છે. જ્યારે કોંગ્રેસ ઉમેદવારને 30.1 ટકા મત મળ્યા છે.
વેજલપુર બેઠક પર કેટલા ઉમેદવાર મેદાનમાં
| ઉમેદવાર | પક્ષ |
| અમિત ઠાકર | ભાજપ |
| રાજેન્દ્ર પટેલ | કોંગ્રેસ |
| કલ્પેશ પટેલ | આપ |
| અંકિત શાહ | ભારતીય યુવા જન એકતા પાર્ટી |
| પાર્થિવ દવે | રાઈટ ટુ રિકોલ પાર્ટી |
| જૈનબ શેખ | AIMIM |
| મુંહમદ મેમણ સોશ્યલ ડેમોક્રેટીક પાર્ટી ઓફ ઇન્ડિયા | |
| શોકતઅલી શેખ | જનસેવા ડ્રાઈવર પાર્ટી |
| સૈયદ પીર હુસેન | અપક્ષ |
| સુહાના મનસુરી | અપક્ષ |
| આરિફ શેખ | અપક્ષ |
| તનવીરુદ્દીન શેખ | અપક્ષ |
| સાબીરઅલીખાન પઠાણ | અપક્ષ |
| વિનોદ સોલંકી | અપક્ષ |
| મોહમદ શેખ | અપક્ષ |
કેટલા ટકા મતદાન થયું
વેજલપુર બેઠક પર 199335 પુરુષ અને 189506 મહિલા મતદારો તથા 17 અન્ય મળી કુલ 388858 મતદાતાઓ છે. 2022ની વિધાનસભાની ચૂંટણીમાં આ બેઠક પર 57.55 ટકા મતદાન થયું છે.
વેજલપુર બેઠકની રસપ્રદ વિગત
વેજલપુર બેઠક ગુજરાત વિધાનસભાની 182 બેઠકો પૈકી 42મા નંબરની બેઠક છે. આ બેઠક અમદાવાદ જિલ્લામાં આવેલી છે અને તેની લોકસભા બેઠક ગાંધીનગર છે. આ બેઠક 2008માં અસ્તિત્વમાં આવી હતી. એ પહેલા આ બેઠક સરખેજ વિધાનસભા બેઠકનો ભાગ હતી અને ભાજપનો ગઢ માનવામાં આવી હતી. કેન્દ્રીય ગૃહમંત્રી અમિત શાહ આ બેઠક પરથી ત્રણ વખત ચૂંટણી લડ્યા હતા અને વિજયી બન્યા હતા. નવા સિમાંકન પછી પણ ભાજપનો આ બેઠક પર દબદબો રહ્યો છે. 2012 અને 2017માં પણ ભાજપના ઉમેદવાર આ બેઠક પર વિજયી થયા હતા.
શું હતી 2017ની સ્થિતિ
2017ની વિધાનસભાની ચૂંટણીમાં 20 પુરુષ અને 4 મહિલા મળી કુલ 24 ઉમેદવારોએ ઉમેદવારી નોંધાવી હતી. જેમાંથી 4 ઉમેદવારોના ફોર્મ રિજેક્ટ થતા 12 ઉમેદવારો વચ્ચે ચૂંટણી જંગ ખેલાયો હતો. જેમાંથી 10 ઉમેદવારોની ડિપોઝિટ ડૂલ થઇ હતી. આ બેઠકને ભાજપનો ગઢ માનવામાં આવે છે.