બાપુનગર વિધાનસભા બેઠક પરિણામ 2022 (bapunagar Assembly Constituency Election Result 2022 Result) LIVE: બાપુનગર વિધાનસભા બેઠક પર ભાજપના ઉમેદવાર દિનેશસિંહ કુશવાહની 12,070 મતે જીત થઈ છે. ચૂંટણી પંચના આંકડા અનુસાર, ભાજપને અત્યાર સુધીમાં 48.85 ટકા મત મળ્યાં છે. બીજા ક્રમે રહેલા કોંગ્રેસ ઉમેદવાર હિંમતસિંહ પટેલને 38.94 ટકા મત મળ્યા છે.
બાપુનગર બેઠક પર કેટલા ઉમેદવાર મેદાનમાં
આ બેઠક પર 29 ઉમેદવાર મેદાનમાં છે.
| ઉમેદવાર | પક્ષ |
| દિનેશ કુશવાહ | ભાજપ |
| હિંમતસિંહ પટેલ | કોંગ્રેસ |
| રાજેશ દિક્ષીત | આપ |
| વિજય સેંગલ | બહુજન સુરક્ષા દળ |
| કિરીટ ચૌહાણ | રાઈટ ટુ રિકોલ પાર્ટી |
| ઇસ્તિયાકઅહેમદ સિદ્દિકી | જનસેવા ડ્રાઈવર પાર્ટી |
| આકાશ તિવારી | જન સંઘર્ષ વિરાટ પાર્ટી |
| મહંમદ શેખ | લોકતાંત્રિક સમાજવાદી પાર્ટી |
| મોહમ્મદહુસેન અન્સારી | લોકતાંત્રિક રાષ્ટ્રવાદી પાર્ટી |
| નગીન સોલંકી | બસપા |
| જ્યોત્સના ચાવડા | સરદાર વલ્લભભાઈ પટેલ પાર્ટી |
| ઇમ્તિયાઝ પઠાણ | જનતાદળ(યુ) |
કેટલા ટકા મતદાન થયું
બાપુનગર બેઠક પર 108916 પુરુષ અને 98532 મહિલા મતદારો તથા 13 અન્ય મળી કુલ 207461 મતદાતાઓ છે. 2022ની વિધાનસભાની ચૂંટણીમાં આ બેઠક પર 57.21 ટકા મતદાન થયું છે.
બાપુનગર બેઠકની રસપ્રદ વિગત
બાપુનગર બેઠક ગુજરાત વિધાનસભાની 182 બેઠકો પૈકી 49મા નંબરની બેઠક છે. આ બેઠક અમદાવાદ જિલ્લામાં આવેલી છે અને તેની લોકસભા બેઠક અમદાવાદ ઇસ્ટ છે. આ બેઠકમાં અમદાવાદ મહાનગરપાલિકાના 3 વોર્ડનો સમાવેશ કરવામાં આવ્યો છે. આ બેઠક 2008માં અસ્તિત્વમાં આવી હતી. નવા સિમાંકન બાદ 2012માં આ બેઠક પર યોજાયેલી ચૂંટણીમાં ભાજપના જગરુપસિંહ રાજપુતનો કોંગ્રેસના ધીરુભાઈ શયાણી સામે વિજય થયો હતો. જોકે 2017ની ચૂંટણીમાં કોંગ્રેસના હિંમતસિંહ પટેલ સામે તેમનો પરાજય થયો હતો.
શું હતી 2017ની સ્થિતિ
2017ની વિધાનસભાની ચૂંટણીમાં 29 પુરુષ અને 2 મહિલા મળી કુલ 31 ઉમેદવારોએ ઉમેદવારી નોંધાવી હતી. જેમાંથી 12 ઉમેદવારોના ફોર્મ રિજેક્ટ થતા 16 ઉમેદવારો વચ્ચે ચૂંટણી જંગ ખેલાયો હતો. જેમાંથી 14 ઉમેદવારોની ડિપોઝિટ ડૂલ થઇ હતી. 2017માં પાટીદાર આંદોલનને કારણે ભાજપને ઝટકો લાગ્યો હતો.