Gujarat Assembly Election 2022: વાવ બેઠક પરથી અલ્પેશ ઠાકોર અને રાધનપુરથી શંકર ચૌધરી ચૂંટણી લડી શકે છે, જ્ઞાતિ સમીકરણો આધારે બેઠકમાં થઈ શકે છે ફેરફાર

રાજેન્દ્રસિંહ પરમાર.
બનાસકાંઠામાં ભાજપમાંથી અલ્પેશ ઠોકોર અને શંકર ચૌધરીની ચુંટણી લડવાની બહુ ચર્ચાઓ છે. અલ્પેશ ઠાકોર રાધનપુર અને શંકર ચૌધરી વાવ બેઠક પરથી ચુંટણી લડશે તેવા માહોલ ઉભો થયો છે. પરંતુ ભાજપ વાવ અને રાધનપુર બેઠક જીતવા માટે પોતાની રણનિતિ બદલી શકે છે.

અલ્પેશ ઠોકોરને ભાજપ વાવ બેઠક પરથી ચુંટણી લડાવી શકે છે જ્યારે રાધનપુર સીટ પરથી શંકર ચૌધરી ચુંટણી લડી શકે છે. વાવ બેઠક પર હાલ કોંગ્રેસમાંથી ગેનિબેન ઠાકોરે ઉમેદવારી કરી છે. 2017માં વાવ બેઠક પરથી ગેનિબેન ઠાકોરે શંકર ચૌધરીને હરાવ્યા હતા. ભાજપ વાવ બેઠક પર જાતિગત સમીકરણોના આધારે ટીકીટની ફાળવણી કરી શકે છે. જેમાં ગેનિબેન ઠાકોર સામે ભાજપ અલ્પેશ ઠાકોરને મેદાનમાં ઉતારી શકે છે.

વાવ બેઠકમાં જાતિગત સમિકરણની વાત કરીએ તો, વાવ બેઠક પર ઠાકોર સમાજના મતો નિર્ણાયક છે. 70થી 75 હજાર ઠાકોર સમાજના મતદારો છે. આથી વાવ બેઠક પર ઠાકોર સમાજના ઉમેદવાર માટે જીત સરળ બની જાય છે. આથી ભાજપ ગેનિબેન ઠાકોર સામે ઠાકોર સમાજના મજબૂત ઉમેદવારને વાવ બેઠક પરથી ટીકીટ ફાળવી શકે છે.

જેમાં હાલ ઠાકોર સમાજના ગેનિબેન ઠાકોરને ટક્કર આપી શકે તેવા ઉમેદવાર અલ્પેશ ઠાકોર હોવાથી તેમને વાવ બેઠક પરથી ભાજપ ચુંટણી લડાવી શકે છે. જેથી ઠાકોર સમાજના બે ઉમેદવારો વચ્ચે ઠક્કર થશે તો વોટનું ધ્રુવિકરણ થશે. આ ઉપરાંત વાવ બેઠક પર 45થી 50 હજાર ચૌધરી સમાજના મતદારો છે તેનો ફાયદો પણ ભાજપને થઇ શકે છે. આથી કોંગ્રેસના મજબૂત ઉમેદવાર સામે ભાજપ ઠાકોર સમાજના ઉમેદવારને વાવ બેઠક પરથી ચૂંટણી લડાવી શકે છે.

રાધનપુર બેઠક પર રઘુ દેસાઈ સામે શંકર ચૌધરી ચૂંટણી લડે તેવી પ્રબળ શક્યતા જોવા મળી રહી છે. શંકર ચૌધરી અગાઉ રાધનપુર સીટ પર બે વખત ચૂંટણી લડી ચુક્યા છે. જ્યારે અલ્પેશ ઠાકોરની વિધાનસભા પેટા ચૂંટણીમાં હાર થઈ હતી. છેલ્લા કેટલાય સમયથી ઠાકોર સમાજના કેટલાક લોકો અલ્પેશ ઠાકોરનો વિરોધ કરી રહ્યા છે. આ સ્થિતિમાં અલ્પેશ ઠાકોરના સ્થાને શંકર ચૌધરીને ટીકીટ મળી શકે છે.

જાણો વાવ બેઠકનો ઇતિહાસ:

જાણો રાધનપુર બેઠકનો ઇતિહાસ: