Gujarat Board GSEB HSC Supplementary Result 2026 Live (ધોરણ 12નું પૂરક પરીક્ષાનું પરિણામ 2026): ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) દ્વારા ધોરણ 12 (HSC) ની પૂરક પરીક્ષા આપનાર વિદ્યાર્થીઓની આતુરતાનો અંત આવ્યો છે. બોર્ડ દ્વારા 3 જુલાઈ, 2026 ના રોજ ધોરણ 12 પૂરક પરીક્ષાનું પરિણામ સત્તાવાર રીતે જાહેર કરવામાં આવ્યું છે. પરીક્ષાર્થીઓ ઓનલાઈન વેબસાઇટ તેમજ વોટ્સએપના (WhatsApp) માધ્યમથી પોતાનું પરિણામ ખૂબ જ સરળતાથી ચકાસી શકશે અને માર્કશીટ પણ ડાઉનલોડ કરી શકશે.
GSEB HSC પૂરક પરીક્ષા 2026 તારીખ
GSEB દ્વારા ધોરણ 12 પૂરક પરીક્ષાનું પરિણામ 3 જુલાઈ, 2026 (શુક્રવાર) ના રોજ સવારે 11:00 વાગ્યે ઓનલાઈન જાહેર કરવામાં આવ્યું છે. ઉલ્લેખનીય છે કે, ધોરણ 12 ની પૂરક પરીક્ષાઓ 11 થી 20 જૂન, 2026 દરમિયાન લેવામાં આવી હતી.
GSEB HSC પૂરક પરીક્ષાનું રીઝલ્ટ 2026 ચેક કરવાના સ્ટેપ્સ
- Step 1: સૌપ્રથમ ગુજરાત બોર્ડની સત્તાવાર વેબસાઇટ gseb.org ની મુલાકાત લો.
- Step 2: હોમપેજ પર દેખાતી HSC Purak Pariksha Result 2026 ની લિંક પર ક્લિક કરો.
- Step 3: નિર્ધારિત જગ્યાએ તમારો Seat Number (બેઠક ક્રમાંક) દાખલ કરો.
- Step 4: સબમિટ કરવાથી તમારી માર્કશીટ સ્ક્રીન પર પ્રદર્શિત થશે.
- Step 5: ભવિષ્યના ઉપયોગ માટે આ માર્કશીટ ડાઉનલોડ કરીને તેની પ્રિન્ટ કાઢી લો.
GSEB HSC પૂરક પરીક્ષાનું રીઝલ્ટ 2026 WhatsApp દ્વારા ચેક કરવાના સ્ટેપ્સ
વિદ્યાર્થીઓએ પોતાના મોબાઈલમાંથી 6357300971 નંબર પર પોતાનો Seat Number વોટ્સએપ મેસેજ કરવાનો રહેશે. મેસેજ મોકલ્યાની ગણતરીની સેકન્ડોમાં જ વિદ્યાર્થીઓને તેમનું પરિણામ સીધું મોબાઈલ સ્ક્રીન પર પ્રાપ્ત થઈ જશે.
GSEB HSC પૂરક પરીક્ષાનું રીઝલ્ટ 2026 માં ઉલ્લેખિત વિગતો
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) ના ધોરણ 12 ના વિદ્યાર્થીઓ માટે પ્રોવિઝનલ માર્કશીટ સત્તાવાર વેબસાઇટ પર ઉપલબ્ધ હોય છે. ઓનલાઈન માર્કશીટ ડાઉનલોડ કર્યા પછી, વિદ્યાર્થીઓએ તેમાં દર્શાવેલ તમામ વિગતોની ચોકસાઈપૂર્વક તપાસ કરવી અનિવાર્ય છે.
- બેઠક ક્રમાંક (Seat Number)
- ઉમેદવારનું નામ
- વિષય અને વિષયવાર ગુણ
- વિષયવાર ગ્રેડ
- કુલ મેળવેલ ગુણ
- પર્સન્ટાઇલ અને ક્રમ (Rank)
- ઓવરઓલ ગ્રેડ
- લાયકાતની સ્થિતિ (Qualifying Status)