Gram Rakshak Dal (GRD) Recruitment 2026: સુરત ગ્રામ્ય પોલીસ વિભાગ દ્વારા ગ્રામ રક્ષક દળ (GRD) અને સાગર રક્ષક દળ (SRD)માં ભરતી માટે જાહેરાત બહાર પાડવામાં આવી છે. આ ભરતીમાં ધોરણ 3 પાસ ઉમેદવારો અરજી કરી શકે છે. ઉમેદવારોની ઉંમર 20થી 50 વર્ષ વચ્ચે હોવી જોઈએ. અરજી પ્રક્રિયા 28 ઓગસ્ટ 2026થી શરૂ થઈ છે અને ઉમેદવારો 5 સપ્ટેમ્બર 2026 સુધી સંબંધિત પોલીસ સ્ટેશન પર જઈને અરજી કરી શકશે.
GRD અને SRD ભરતી 2026 અંતર્ગત જગ્યાઓ, શૈક્ષણિક લાયકાત, વય મર્યાદા, પસંદગી પ્રક્રિયા અને અરજી કરવાની રીત સહિતની મહત્વની માહિતી અહીં આપવામાં આવી છે.
GRD અને SRD ભરતી 2026ની મહત્વની માહિતી
| વિગત | માહિતી |
|---|---|
| ભરતી સંસ્થા | સુરત ગ્રામ્ય પોલીસ વિભાગ |
| પોસ્ટ | ગ્રામ રક્ષક દળ (GRD) અને સાગર રક્ષક દળ (SRD) |
| કુલ જગ્યાઓ | 379 |
| અરજી મોડ | ઓફલાઈન |
| અરજી શરૂ | 28 ઓગસ્ટ, 2026 |
| છેલ્લી તારીખ | 5 સપ્ટેમ્બર, 2026 |
| વય મર્યાદા | 20થી 50 વર્ષ |
| શૈક્ષણિક લાયકાત | ધોરણ 3 પાસ |
| ફિઝિકલ ટેસ્ટ | 11 સપ્ટેમ્બર, 2026 |
| નોકરીનું સ્થળ | સુરત ગ્રામ્ય, ગુજરાત |
GRD અને SRD ભરતીમાં કેટલી જગ્યાઓ?
સુરત ગ્રામ્ય વિસ્તારના વિવિધ પોલીસ સ્ટેશન હેઠળ ગ્રામ રક્ષક દળમાં પુરુષ અને મહિલા ઉમેદવારો તેમજ સાગર રક્ષક દળ માટે જગ્યાઓ ભરવામાં આવશે. આપવામાં આવેલી વિગતો પ્રમાણે કુલ 379 જગ્યાઓ માટે ભરતીની જાહેરાત કરવામાં આવી છે.
ઉમેદવારોએ પોતાના સંબંધિત પોલીસ સ્ટેશનની ખાલી જગ્યાઓ અને ભરતી અંગેની વિગતો અરજી ફોર્મ મેળવતી વખતે જાણી લેવી.
GRD અને SRD જગ્યાઓની વિગતો
| પોલીસ સ્ટેશન | GRD પુરુષ | GRD મહિલા | SRD | કુલ |
|---|---|---|---|---|
| Bardoli Town | 09 | 00 | 00 | 09 |
| Bardoli Rural | 13 | 04 | 00 | 17 |
| Palsana | 31 | 02 | 00 | 33 |
| Mahuva | 11 | 02 | 00 | 13 |
| Mangrol | 11 | 00 | 00 | 11 |
| Kosamba | 12 | 03 | 00 | 15 |
| Palod | 24 | 04 | 00 | 28 |
| Kim | 13 | 00 | 00 | 13 |
| Olpad | 59 | 00 | 34 | 93 |
| Kadodara | 19 | 01 | 00 | 20 |
| Kamrej | 30 | 03 | 00 | 33 |
| Mandvi | 29 | 01 | 00 | 30 |
| Ambalal | 14 | 00 | 00 | 14 |
| Umarpada | 14 | 01 | 00 | 15 |
| Tadkeshwar | 42 | 00 | 00 | 42 |
| કુલ | 331 | 21 | 34 | 386 |
GRD અને SRD ભરતી માટે શૈક્ષણિક લાયકાત
આ ભરતીમાં અરજી કરવા માટે ઉમેદવારે ઓછામાં ઓછું ધોરણ 3 પાસ કરેલું હોવું જરૂરી છે. આ સાથે ઉમેદવાર શારીરિક રીતે સક્ષમ અને ફરજ બજાવવા માટે યોગ્ય હોવો જોઈએ.
વય મર્યાદા કેટલી?
GRD અને SRD ભરતી માટે ઉમેદવારની ઉંમર 20 વર્ષથી ઓછી અને 50 વર્ષથી વધુ ન હોવી જોઈએ. અનામત કેટેગરીના ઉમેદવારોને સરકારના નિયમો પ્રમાણે ઉંમરમાં છૂટછાટ મળી શકે છે.
અરજી ફી કેટલી છે?
આ ભરતીની આપવામાં આવેલી સત્તાવાર માહિતીમાં અરજી ફી અંગે કોઈ સ્પષ્ટ ફી દર્શાવવામાં આવી નથી. તેથી ઉમેદવારોએ સંબંધિત પોલીસ સ્ટેશન પરથી અરજી ફોર્મ મેળવતી વખતે અરજી ફી અંગેની માહિતી ચોક્કસ મેળવી લેવી.
પસંદગી પ્રક્રિયા
GRD અને SRD ભરતીમાં ઉમેદવારોની પસંદગી માટે મુખ્યત્વે Physical Test અને Document Verification કરવામાં આવશે. ફિઝિકલ ટેસ્ટમાં ઉમેદવારની શારીરિક ક્ષમતા અને તંદુરસ્તી ચકાસવામાં આવશે. ત્યારબાદ શૈક્ષણિક લાયકાત, ઉંમર અને અન્ય જરૂરી દસ્તાવેજોની ચકાસણી કરવામાં આવશે.
ફિઝિકલ ટેસ્ટ ક્યારે અને ક્યાં યોજાશે?
GRD અને SRD ભરતી માટે ફિઝિકલ ટેસ્ટ 11 સપ્ટેમ્બર 2026ના રોજ સવારે 7 વાગ્યે યોજાશે. ઉમેદવારોએ Police Headquarters, Sayan Road, Dhanudi, Surat ખાતે હાજર રહેવાનું રહેશે.
ઉમેદવારોએ ફિઝિકલ ટેસ્ટ દરમિયાન જરૂરી તમામ મૂળ દસ્તાવેજો અને તેની ફોટોકોપી સાથે રાખવાની રહેશે. મુસાફરી સહિતના અન્ય ખર્ચ ઉમેદવારે પોતે ભોગવવાના રહેશે.
કેવી રીતે કરવી અરજી?
- લાયક ઉમેદવારોએ ઓનલાઈન અરજી કરવાની નથી.
- અરજી ફોર્મ મેળવવા અને જમા કરવા માટે ઉમેદવારે સુરત ગ્રામ્ય વિસ્તારના સંબંધિત પોલીસ સ્ટેશનની રૂબરૂ મુલાકાત લેવાની રહેશે.
- 28 ઓગસ્ટથી 5 સપ્ટેમ્બર 2026 દરમિયાન પોલીસ સ્ટેશન પરથી અરજી ફોર્મ મેળવી તેને યોગ્ય રીતે ભરવાનું રહેશે.
- ફોર્મમાં જરૂરી વિગતો કાળજીપૂર્વક ભરીને નિયત સમયમર્યાદામાં જમા કરાવવું પડશે.
- અધૂરું ફોર્મ અથવા છેલ્લી તારીખ બાદ મળેલું ફોર્મ સ્વીકારવામાં નહીં આવે.
મહત્વની તારીખો
- અરજી શરૂ થવાની તારીખ: 28 ઓગસ્ટ, 2026
- અરજી કરવાની છેલ્લી તારીખ: 5 સપ્ટેમ્બર, 2026
- ફિઝિકલ ટેસ્ટની તારીખ: 11 સપ્ટેમ્બર, 2026
- ફિઝિકલ ટેસ્ટનો સમય: સવારે 7:00 વાગ્યે
ઉમેદવારોએ અરજી કરતા પહેલાં સંબંધિત પોલીસ સ્ટેશનમાંથી ભરતી અંગેની તમામ વિગતો મેળવી લેવી અને ફિઝિકલ ટેસ્ટ માટે જરૂરી મૂળ દસ્તાવેજો સાથે રાખવા.