E100 Petrol:ભારત સરકારે 26 ઓક્ટોબરે ફ્લેક્સ ફ્યુઅલ વાહનોને લગતા નિયમો અંગે નવો આદેશ આપ્યો છે. તેની સાથે સંકળાયેલ નવું ગેજેટ નોટિફિકેશન પણ આવી ગયું છે. શરળ શબ્દોમાં કહીએ તો તેનો અર્થ એવો થાય છે કે આ ઈંધણ પર સંચાલન માટે તૈયાર કરવામાં આવેલ છે અને સર્ટિફાઈડ વાહનો હવે 100 ટકા ઈથેનોલ વાહન ઈંધણ માટે નિયમોમાં નોંધાશે.જોકે તેનો અર્થ એવો નથી થતો કે E20 એટલે કે સામાન્ય પેટ્રોલની કારમાં E85 અથવા E100 નાંખી શકાય છે. જૂના વાહનોના માલિકો તેમના વાહનોમાં કોઈ ફેરફાર કરવાની જરૂર રહેતી નથી.
માર્ગ પરિવહન અને ધોરીમાર્ગ મંત્રાલયે સેન્ટ્રલ મોટર વ્હિકલ્સ રુલ્સ 1989માં ફેરફાર કર્યાં છે. નોટિફિકેશન પ્રમાણે નિયમ 115 અને તેની સાથે સંકળાયેલ સંશોધન કરવામાં આવ્યા છે. તેમાં E100ને E85 સાથે સામેલ કરવામાં આવેલ છે. જેથી આ ઈંધણો માટે તૈયાર કરવામાં આવેલ ફ્લેક્સ-ફ્યુઅલ ગાડીઓને લગતા નિયમોમાં માન્યતા મળી શકે.
E100 નો અર્થ શું છે?
પેટ્રોલમાં ઈથેનોલ મિશ્રિત પ્રમાણના આધાર પર ઈંધણને E20,E85 અથવા E100 જેવા નામ આપવામાં આવ્યા છે. E20માં 20 ટકા સુધી ઈથેનોલ હોય છે. E85માં ઈથેનોલનું પ્રમાણ 85 ટકા હોઈ શકે છે. E100 એવા ઈંધણને કહેવાય છે કે જેમાં મુખ્ય્યત્વે ઈથેનોલ હોય છે.
સરકારના નવા ફેરફારોનો અર્થ એ છે કે ઓટોમેકર્સ હવે નિર્ધારિત ધોરણો અનુસાર E85 અથવા E100 પર ચાલતા ફ્લેક્સ-ફ્યુઅલ વાહનો ડિઝાઇન અને પ્રમાણિત કરી શકે છે.આ સર્ટિફાઈડનો અર્થ થાય છે કે ગાડીની તપાસ કરી આ મંજૂર કરવામાં આવેલ છે અને તે ખાસ ઈંધણ પર સુરક્ષિત અને યોગ્ય રીતે ચલાવી શકાય છે.
શું દરેક પેટ્રોલ કારમાં E100 નાંખી શકાશે
એવું બિલકુલ નથી. E85 અને E100 ફક્ત તે ગાડીઓમાં ઉપયોગ કરી શકાય છે કે જેને આ ઈંધણને માટે ખાસ તૈયાર કરવામાં આવી શકાય છે અને મંજૂરી મળી હોય.જો તમારી કાર E20 અથવા નિયમિત ગેસોલિન પર ચાલવા માટે ડિઝાઇન કરવામાં આવી છે તો તે E85 અથવા E100 નો ઉપયોગ કરી શકશે નહીં. ફક્ત નિયમો બદલવાથી તમારું એન્જિન અથવા અન્ય ઘટકો ઉચ્ચ ઇથેનોલ સામગ્રીવાળા ઇંધણ સાથે સુસંગત બનશે નહીં.ખોટા ઇંધણનો ઉપયોગ સમસ્યાઓનું કારણ બની શકે છે અને એન્જિન અથવા ઇંધણ પ્રણાલીને નુકસાન પહોંચાડી શકે છે.