Go First Insolvency: સ્થાનિક એરલાઇન કંપની ગો ફર્સ્ટની ફ્લાઇટ્સ 30 મે સુધી સ્થગિત રહેશે. કંપનીએ ટ્વીટ કરીને આ અંગેની માહિતી આપી છે. 2 મેના રોજ, GoFirstએ નાદારી માટે અરજી કરી. ત્યારબાદ કંપનીએ 2 દિવસ માટે ફ્લાઈટ્સ પર પ્રતિબંધ લગાવી દીધો હતો. ઉલ્લેખનીય છે કે, ગો ફર્સ્ટ જૂની ગો એર હતી.
કંપનીએ મોડી રાત્રે ટ્વીટ કર્યું, “ઓપરેશનલ કારણોસર, GoFirst ફ્લાઇટ્સ 30 મે, 2023 સુધી રદ કરવામાં આવી છે. અસુવિધા બદલ માફી." કંપનીએ કહ્યું છે કે, ટૂંક સમયમાં જ મુસાફરોને સંપૂર્ણ રિફંડ આપવામાં આવશે.
Due to operational reasons, Go First flights until 30th May 2023 are cancelled. We apologise for the inconvenience caused and request customers to visit https://t.co/W9zQ6X3vmu for more information. For any queries or concerns, please feel free to contact us. pic.twitter.com/norPCJLYD1
— GO FIRST (@GoFirstairways) May 26, 2023
તાજેતરમાં, ઉડ્ડયન નિયમનકાર DGCA એ એરલાઇન કંપની GoFirstને તેની કામગીરી ફરી શરૂ કરવાની યોજના શેર કરવા જણાવ્યું છે. આ પ્લાનમાં પ્લેન અને પાયલટની ઉપલબ્ધતાની વિગતો પણ આપવાની રહેશે. તમને જણાવી દઈએ કે, DGCAએ GoFirstને પ્લાન સબમિટ કરવા માટે 30 દિવસનો સમય આપ્યો છે.
કંપની દ્વારા કરવામાં આવેલા ટ્વિટમાં કહેવામાં આવ્યું છે કે ટૂંક સમયમાં બુકિંગ ફરી શરૂ કરવામાં આવશે. તાજેતરમાં, એનસીએલટી દ્વારા એનસીએલટીના નિર્ણયને સાચો જાહેર કરવામાં આવ્યો હતો. નોંધનીય છે કે, ગો-ફર્સ્ટની સમસ્યા એવા સમયે સામે આવી છે જ્યારે ઉડ્ડયન ક્ષેત્ર તેજીમાં છે. મુસાફરોની સંખ્યા કોવિડ પહેલાના સ્તરને વટાવી ગઈ છે.