RIL Results: રિલાયન્સ ઇન્ડસ્ટ્રીઝ લિમિટેડ (RIL)એ 30 સપ્ટેમ્બર, 2026ના રોજ પૂરા થયેલા બીજા ત્રિમાસિક ગાળા (2Q FY27)ના પોતાના કન્સોલિડેટેડ નાણાકીય પરિણામો જાહેર કર્યા છે. કંપનીએ તમામ ક્ષેત્રોમાં ઉત્કૃષ્ટ કામગીરી નોંધાવીને આવક અને નફા બંનેમાં નવા ઐતિહાસિક શિખરો સર કર્યા છે.
નાણાકીય વર્ષ 2027ના પ્રથમ અર્ધવાર્ષિક ગાળામાં કંપનીનો ચોખ્ખો નફો (PAT) ₹ 50,000 કરોડનો આંકડો વટાવી ગયો છે.
સર્વકાલીન ઉચ્ચતમ આવક: વાર્ષિક ધોરણે (Y-o-Y) 27.8% ના જંગી વધારા સાથે ત્રિમાસિક આવક ₹ 3,62,268 કરોડ નોંધાઈ છે.
રેકોર્ડ EBITDA: વાર્ષિક ધોરણે 23.9% ના વધારા સાથે ત્રિમાસિક EBITDA ₹ 62,409 કરોડ રહ્યો છે.
ચોખ્ખો નફો (PAT): વાર્ષિક ધોરણે 33.8% ના ઉછાળા સાથે ચોખ્ખો નફો ₹ 29,550 કરોડની નવી ઐતિહાસિક ઊંચી સપાટીએ પહોંચ્યો છે.
O2C બિઝનેસનું ઓલ-ટાઇમ બેસ્ટ પ્રદર્શન
- ઓઇલ ટુ કેમિકલ્સ (O2C) સેગમેન્ટે વૈશ્વિક અસ્થિરતા વચ્ચે પણ પોતાનું અત્યાર સુધીનું શ્રેષ્ઠ પ્રદર્શન આપ્યું છે:
- ત્રિમાસિક આવક: વાર્ષિક ધોરણે 44.2% ના વધારા સાથે ₹ 2,31,601 કરોડ ($ 24.2 બિલિયન).
- ત્રિમાસિક EBITDA: વાર્ષિક ધોરણે 67.9% ના જંગી ઉછાળા સાથે ₹ 25,203 કરોડ ($ 2.6 બિલિયન).
- ડ્રાઇવિંગ ફેક્ટર્સ: સુધરેલા ડાઉનસ્ટ્રીમ પેટ્રોકેમિકલ ડેલ્ટા, તંગ ફ્યુઅલ માર્કેટ્સ અને મજબૂત સ્થાનિક માગને કારણે માર્જિન કેપ્ચરમાં સુધારો થયો છે. જિઓ-બીપી (Jio-bp) ફ્યુઅલ રિટેલિંગ અને ઇવી ચાર્જિંગ નેટવર્કનું વિસ્તરણ સતત ચાલુ રહ્યું છે.
- જિયો પ્લેટફોર્મ્સ લિમિટેડ (JPL): 54.2 કરોડ ગ્રાહકો અને IPO નો ઐતિહાસિક માઇલસ્ટોન
જિયો પ્લેટફોર્મ્સે 28 ઓક્ટોબર, 2026 ના રોજ ₹ 30,188 કરોડનો ભારતનો અત્યાર સુધીનો સૌથી મોટો IPO સફળતાપૂર્વક પૂર્ણ કરીને મૂડીબજારમાં ભારતની બીજી સૌથી મૂલ્યવાન કંપની તરીકે પ્રવેશ કર્યો છે.
ત્રિમાસિક આવક: વાર્ષિક ધોરણે 11.3% ના વધારા સાથે ₹ 47,485 કરોડ.
ત્રિમાસિક EBITDA: વાર્ષિક ધોરણે 16.6% ના વધારા સાથે ₹ 21,879 કરોડ (EBITDA માર્જિનમાં 250 bps નો સુધારો).
ડિજિટલ સર્વિસિસ EBITDA: વાર્ષિક ધોરણે 17.7% વધીને ₹ 22,223 કરોડ થયો.
ગ્રાહક આધાર: પાછલા 12 મહિનામાં 36 મિલિયન નવા જોડાણો સાથે કુલ ગ્રાહક સંખ્યા 542 મિલિયન (54.2 કરોડ) ને વટાવી ગઈ છે. જેમાં 30 મિલિયન (3 કરોડ) ફિક્સ્ડ બ્રોડબેન્ડ અને 300 મિલિયન (30 કરોડ) 5G ગ્રાહકોનું સીમાચિહ્ન પાર થયું છે.
- રિલાયન્સ રિટેલ વેન્ચર્સ લિમિટેડ (RRVL): ગ્રોથની ગતિ જળવાઈ
- ત્રિમાસિક આવક: વાર્ષિક ધોરણે 6.4% ના વધારા સાથે ₹ 91,716 કરોડ.
- તમામ ફોર્મેટ અને ડિજિટલ ચેનલોમાં ગ્રાહક માગ તંદુરસ્ત રહી છે, જ્યારે FMCG બ્રાન્ડ પોર્ટફોલિયો વધુ સુદૃઢ બન્યો છે.
RILના ચેરમેન અને મેનેજિંગ ડિરેક્ટર મુકેશ અંબાણીએ જણાવ્યું હતું કે આ સપ્તાહ ભારતીય શેરબજારો પર જિયોના રેકોર્ડબ્રેક લિસ્ટિંગ સાથે રિલાયન્સની મૂલ્ય સર્જનની સફરમાં એક ઐતિહાસિક ક્ષણ બની રહ્યું છે. 22x થી વધુ સબ્સ્ક્રિપ્શન સાથે આ ઈશ્યૂએ વૈશ્વિક બેંચમાર્ક સ્થાપિત કર્યા છે. વર્ષ 1977 ના રિલાયન્સના IPO દરમિયાન અમારા સ્થાપક-ચેરમેનશ્રી દ્વારા શરૂ કરાયેલા 'ઇક્વિટી કલ્ટ'ના પુનરુત્થાનનો સાક્ષી બનવાનો મને ગર્વ છે. જટિલ પરિચાલન વાતાવરણ અને ભૌગોલિક રાજકીય તણાવ વચ્ચે પણ અમારા પોર્ટફોલિયોના સ્થાનિક અભિગમ અને કાર્યગીરીની શિસ્તબદ્ધતાએ રિલાયન્સને મજબૂત રાખ્યું છે.
જિયો પ્લેટફોર્મ્સ લિમિટેડના મેનેજિંગ ડિરેક્ટર આકાશ અંબાણી એ જણાવ્યું હતું કે એક લિસ્ટેડ કંપની તરીકે નવા યુગમાં પ્રવેશ કરતી વખતે અમે જિયો પ્લેટફોર્મ્સ પરિવારમાં અમારા નવા શેરધારકોનું હાર્દિક સ્વાગત કરીએ છીએ. આ પરિણામો અમારા 5G નેટવર્કની તાકાત અને ડિજિટલ સેવાઓની વધતી પહોંચ દર્શાવે છે. અમે સેટેલાઇટ કોમ્યુનિકેશન્સ, 6G ઇન્ટેલેક્ચ્યુઅલ પ્રોપર્ટી અને એઆઇ ક્ષેત્રે અમારી ક્ષમતાઓ સતત વિકસાવતા રહીશું.
રિલાયન્સ રિટેલ વેન્ચર્સ લિમિટેડના એક્ઝિક્યુટિવ ડિરેક્ટર ઈશા અંબાણીએ જણાવ્યું હતું કે અમારા સ્ટોર્સ અને ડિજિટલ પ્લેટફોર્મ્સ પર ગ્રાહકોનો વિશ્વાસ અમારા વિકાસના કેન્દ્રમાં છે.અમે ફિઝિકલ નેટવર્કને ડિજિટલ સુવિધા અને ટેક્નોલોજી સાથે જોડીને ભવિષ્ય માટે તૈયાર રિટેલ બિઝનેસનું નિર્માણ કરી રહ્યા છીએ. આ તહેવારોની સીઝનમાં ગુણવત્તા અને શ્રેષ્ઠ વિકલ્પો સાથે સેવા આપવા અમે સંપૂર્ણ સજ્જ છીએ.
RILના એક્ઝિક્યુટીવ ડિરેક્ટર અનંત અંબાણી એ જણાવ્યું હતું કે અત્યંત અસ્થિર વૈશ્વિક વાતાવરણ વચ્ચે પણ અમારા O2C બિઝનેસે ત્રિમાસિક ગાળાનું અત્યાર સુધીનું શ્રેષ્ઠ પ્રદર્શન આપ્યું છે. સંકટના સમયમાં ભારતની ઉર્જા સ્થિરતા અને આત્મનિર્ભરતામાં યોગદાન આપતા આ બિઝનેસનો હિસ્સો બનવા બદલ હું ગૌરવ અનુભવું છું.