Gold-Silver Price Drop: ઓગસ્ટ મહિનાના અંતિમ સપ્તાહથી શરૂ થયેલી સોના અને ચાંદીના ભાવમાં અચાનક ગિરાવટે રોકાણકારો અને આભૂષણોના ખરીદદારોને ચોંકાવી દીધા છે. ઓગસ્ટના છેલ્લા સપ્તાહ દરમિયાન સોનામાં આશરે 5.50% અને ચાંદીમાં 6.50% સુધીનો મોટો ઘટાડો નોંધાયો છે. સપ્ટેમ્બર મહિનાની શરૂઆતમાં પણ બુલિયન માર્કેટમાં આ કડાકો જળવાઈ રહ્યો છે.
PM નરેન્દ્ર મોદીની અપીલ અને વૈશ્વિક મેક્રો-ઈકોનોમિક પરિબળોની અસરે સ્થાનિક બજારમાં સોનું ₹1,51,936 પ્રતિ 10 ગ્રામ અને ચાંદી ₹2,35,001 પ્રતિ કિલોગ્રામ સુધી ગગડી આવ્યા છે. તહેવારોની સિઝન પૂર્વે કિંમતોમાં આવેલા ભારે કડાકા વચ્ચે કેડિયા એડવાઈઝરીના ડિરેક્ટર અને જાણીતા કમોડિટી એક્સપર્ટ અજય કેડિયાએ આપેલા 7 મુખ્ય પ્રશ્નોના જવાબો દ્વારા કિંમતોની આગામી દિશા સમજીએ.
પ્રશ્ન - 1 કિંમતો તૂટવા પાછળનું મુખ્ય કારણ શું છે?
અજય કેડિયાના જણાવ્યા મુજબ, યુએસ ફેડરલ રિઝર્વ દ્વારા વ્યાજદરો અંગે આપવામાં આવેલા સંકેતો અને જેક્સન હોલની સ્પીચ બાદ બજારમાં કડાકો આવ્યો છે. ક્રૂડ ઓઈલમાં વધારો અને ડોલર ઈન્ડેક્સ મજબૂત થતાં વ્યાજદર વધવાની શક્યતા વધી છે, જેની નકારાત્મક અસર સોના-ચાંદી પર પડી છે.
પ્રશ્ન- 2 સોના કરતા ચાંદીમાં વધારે ગિરાવટ કેમ?
ચાંદી હાઈ-બીટા કમોડિટી હોવાથી તેમાં ઉતાર-ચઢાવ વધુ જોવા મળે છે. આ ગિરાવટ ઔદ્યોગિક માંગ ઘટવાના કારણે નથી, પરંતુ ટેકનિકલ રેઝિસ્ટન્સને કારણે છે. સોલર પેનલ, EV અને ડેટા સેન્ટર્સમાં ચાંદીની વાસ્તવિક માંગ હજુ પણ મજબૂત છે.
પ્રશ્ન- 3 ઈમ્પોર્ટ ડ્યુટી ઘટે તો બજાર પર શું અસર પડે?
સરકાર જો આયાત જકાત (Import Duty)માં ઘટાડો કરે છે તો MCX પર તાત્કાલિક ભાવ ઘટી શકે છે. પરંતુ ભાવ નીચા આવતાની સાથે જ ફિઝિકલ ખરીદી એટલી ઝડપથી વધશે કે કિંમતો ફરીથી રેકોર્ડ સ્તરે પહોંચી જશે.
પ્રશ્ન- 4 દિવાળી સુધી સોના-ચાંદીના મુખ્ય લેવલ્સ કયા રહેશે?
સોનું (Gold): ₹1,50,000 થી ₹1,51,000ની આસપાસ મજબૂત સપોર્ટ છે. જો ભાવ ₹1,65,000નું સ્તર પાર કરશે તો દિવાળી સુધી સોનું ₹1,80,000 સુધી પહોંચી શકે છે.
ચાંદી (Silver): ₹2,28,000 થી ₹2,30,000 નો સપોર્ટ લેવલ છે. ₹2.50 લાખનો અવરોધ તૂટતાં જ દિવાળી સુધીમાં ચાંદી ₹2,90,000 થી ₹3,00,000નો આંકડો સ્પર્શી શકે છે.
પ્રશ્ન- 5 આંતરરાષ્ટ્રીય બજારમાં સોનાનું લક્ષ્યાંક શું હોઈ શકે?
વૈશ્વિક સેન્ટ્રલ બેંકોની ભારે ખરીદી (ડી-ડોલરાઈઝેશન) અને જીઓપોલિટિકલ તણાવને કારણે આંતરરાષ્ટ્રીય માર્કેટમાં સોનું $4,900 થી $5,100 પ્રતિ ઔંસ સુધી પહોંચવાની ધારણા છે.
પ્રશ્ન- 6 વર્ષ 2026ના અંત સુધી ચાંદી ક્યાં પહોંચશે?
સપ્લાય શોર્ટ અને ક્રિટીકલ મેટલમાં સમાવેશ થવાના કારણે, ચાંદી જો ગ્લોબલ માર્કેટમાં $70નો રેઝિસ્ટન્સ તોડે તો $90 અને સ્થાનિક બજારમાં ₹3 લાખથી ₹3.25 લાખ સુધી પહોંચી શકે છે.
પ્રશ્ન- 7 આ ગિરાવટમાં રોકાણકારો માટે શું સલાહ છે?
હાલનો સમય 'બાય ઓન ડીપ્સ' (દરેક ગિરાવટ પર ખરીદી) ની વ્યૂહરચના અપનાવવાનો છે. રોકાણકારોએ 1 થી 2 વર્ષના લાંબા ગાળાના વિઝન સાથે સોના-ચાંદીના ETF અથવા Silver SIP દ્વારા તબક્કાવાર રોકાણ કરવું જોઈએ.