Bank Holidays March 2026: હોળીના તહેવાર દરમિયાન જો તમારે બેંક સંબંધિત કોઈ મહત્વપૂર્ણ કામ પતાવવાનું બાકી હોય, તો આ સમાચાર તમારા માટે ખૂબ જ ઉપયોગી છે. ભારતીય રિઝર્વ બેંક (RBI) ના રજાઓના કેલેન્ડર મુજબ, હોળી અને ધુળેટીના પર્વ નિમિત્તે દેશના વિવિધ રાજ્યોમાં બેંકોમાં રજા જાહેર કરવામાં આવી છે. કેટલાક રાજ્યોમાં બેંકો સતત બે દિવસ સુધી બંધ રહેવાની છે.
3 માર્ચ: કયા રાજ્યોમાં બેંકો બંધ રહેશે?
આ પણ વાંચો
4 માર્ચ, 2026 ના રોજ હોલિકા દહન, ડોલ જાત્રા, ધુળંડી અને અટ્ટુકલ પોંગલા જેવા સ્થાનિક પર્વોને કારણે નીચે મુજબના રાજ્યોમાં બેંકિંગ કામકાજ બંધ રહેશે: મહારાષ્ટ્ર, મધ્યપ્રદેશ, રાજસ્થાન, પશ્ચિમ બંગાળ, આસામ, સિક્કિમ, આંધ્રપ્રદેશ, ગોવા, તેલંગાણા, ઉત્તરાખંડ, બિહાર, ઝારખંડ અને છત્તીસગઢ.
4 માર્ચ: ધુળેટી નિમિત્તે રજાની યાદી
4 માર્ચના રોજ મુખ્યત્વે રંગવાલી હોળી એટલે કે ધુળેટીની ઉજવણી કરવામાં આવશે. આ દિવસે ગુજરાત સહિત દેશના મોટાભાગના ભાગોમાં બેંકોમાં રજા રહેશે: ગુજરાત, દિલ્હી, ઉત્તર પ્રદેશ, હરિયાણા, પંજાબ, ચંદીગઢ, ઓડિશા, જમ્મુ અને કાશ્મીર, લદ્દાખ, અરુણાચલ પ્રદેશ, મણિપુર અને ત્રિપુરા.
આ રાજ્યોમાં સતત બે દિવસની રજા
ઉત્તરાખંડ, ઉત્તર પ્રદેશ, બિહાર અને ઝારખંડ જેવા રાજ્યોમાં હોળી અને ધુળેટી બંને દિવસોના ધાર્મિક મહત્વને ધ્યાનમાં રાખીને બેંકોમાં સતત બે દિવસની રજા રહેશે.
ગ્રાહકો માટે મહત્વની સૂચના
જોકે બેંક શાખાઓ બંધ રહેશે, પરંતુ ઓનલાઈન બેંકિંગ, મોબાઈલ એપ અને ATM સેવાઓ રાબેતા મુજબ કાર્યરત રહેશે. 5 માર્ચ, 2026 થી દેશભરની તમામ બેંકોમાં કામકાજ ફરીથી નિયમિત રીતે શરૂ થઈ જશે. કોઈપણ અસુવિધાથી બચવા માટે ગ્રાહકોએ તેમની સ્થાનિક શાખા અથવા RBI ની સત્તાવાર વેબસાઈટ પર રજાઓની ચોક્કસ વિગત તપાસી લેવી જોઈએ.