Bank Holiday Today: માર્ચ મહિનાની શરૂઆતની સાથે જ દેશમાં તહેવારોની મોસમ જામી છે. આજે સોમવાર, 2 માર્ચ 2026 ના રોજ દેશના વિવિધ ભાગોમાં હોલિકા દહનની ઉજવણી કરવામાં આવી રહી છે. તહેવારના આ માહોલમાં બેંકિંગ કામકાજ માટે ઘરેથી નીકળતા પહેલા ગ્રાહકોએ રજાઓની યાદી તપાસી લેવી અનિવાર્ય છે, કારણ કે હોલિકા દહનને પગલે કેટલાક રાજ્યોમાં બેંકોમાં રજા જાહેર કરવામાં આવી છે.
કયા રાજ્યમાં બેંકો બંધ રહેશે?
ભારતીય રિઝર્વ બેંક (RBI) દ્વારા જાહેર કરવામાં આવેલી રજાઓની યાદી મુજબ, આજે 2 માર્ચ ના રોજ હોલિકા દહન નિમિત્તે ઉત્તર પ્રદેશ રાજ્યમાં બેંકો બંધ રહેશે. ઉત્તર પ્રદેશમાં આ તહેવારનું વિશેષ મહત્વ હોવાથી ત્યાં જાહેર રજા રાખવાનો નિર્ણય લેવામાં આવ્યો છે.
અન્ય રાજ્યોમાં બેંકિંગ કામકાજની સ્થિતિ
ઉત્તર પ્રદેશ સિવાયના અન્ય તમામ રાજ્યોમાં આજે બેંકો રાબેતા મુજબ કાર્યરત રહેશે. RBI ના શિડ્યુલ મુજબ અન્ય શહેરો અને રાજ્યોમાં બેંકિંગ સેવાઓ પર કોઈ અસર પડશે નહીં. ગ્રાહકો તેમના નિર્ધારિત સમયે શાખાની મુલાકાત લઈને નાણાકીય વ્યવહારો પૂર્ણ કરી શકશે. જોકે, પ્રાદેશિક તહેવારોને કારણે રજાઓની યાદી રાજ્ય પ્રમાણે અલગ હોઈ શકે છે, તેથી સ્થાનિક યાદી ચકાસી લેવી હિતાવહ છે.
ડિજિટલ બેંકિંગ સેવાઓ અવિરત ચાલુ રહેશે
બેંકિંગ શાખાઓ બંધ હોવા છતાં, ગ્રાહકોને ગભરાવાની જરૂર નથી. રજાના દિવસે પણ તમામ ડિજિટલ બેંકિંગ સેવાઓ કાર્યરત રહેશે. ATM માંથી રોકડ ઉપાડ. UPI દ્વારા પેમેન્ટ તેમજ નેટ બેંકિંગ અને મોબાઇલ બેંકિંગ દ્વારા ફંડ ટ્રાન્સફર. ગ્રાહકો ઓનલાઈન માધ્યમથી તેમના તમામ દૈનિક વ્યવહારો કોઈપણ અડચણ વગર કરી શકશે.
RBI ની રજાઓ
ઉલ્લેખનીય છે કે, ભારતીય રિઝર્વ બેંક દર વર્ષે રાષ્ટ્રીય રજાઓ, પ્રાદેશિક તહેવારો, રવિવાર અને મહિનાના બીજા તથા ચોથા શનિવારના આધારે રજાઓની યાદી જાહેર કરે છે. ગ્રાહકોએ કોઈપણ અસુવિધા ટાળવા અને સમયનો બચાવ કરવા માટે બેંકની મુલાકાત લેતા પહેલા RBI ની સત્તાવાર વેબસાઇટ અથવા જે-તે બેંકની સૂચનાઓ તપાસી લેવી.