Adani's Evos BV Acquisition: અદાણી પોર્ટ્સ એન્ડ સ્પેશિયલ ઇકોનોમિક ઝોન લિ. (APSEZ) એ યુરોપના બીજા સૌથી મોટા સ્વતંત્ર લિક્વિડ સ્ટોરેજ સંચાલક ઇવોસ BV (Evos)ના 100% હિસ્સાનું સંપાદન કરવા માટે સોદો કર્યો છે. આ સોદો 2.56 અબજ યુરો એટલે કે આશરે ₹23 હજાર કરોડથી વધુની એન્ટરપ્રાઇઝ કિંમતે સંપૂર્ણપણે રોકડમાં કરવામાં આવ્યો છે.
અદાણી પોર્ટ્સે આ હિસ્સો 'ઇગનેઓ ઇન્ફ્રાસ્ટ્રક્ચર પાર્ટનર્સ' પાસેથી ખરીદવાની સમજૂતી કરી છે. સંસ્થાકીય ગણતરી મુજબ ઇવોસનું ઇક્વિટી મૂલ્ય 1.18 અબજ યુરો આંકવામાં આવ્યું છે, જે કેલેન્ડર વર્ષ 2025 માટે 11.7 ગણું EV/ઇબીડટા મલ્ટિપલ દર્શાવે છે.
કેલેન્ડર વર્ષ 2025માં ઇવોસે 392 મિલિયન યુરોની આવક અને 219 મિલિયન યુરોનો ઇબીડટા (૫૬% ઇબીડટા માર્જિન) નોંધાવ્યો હતો. આ સમયગાળા દરમિયાન કંપનીએ 37 MMT થ્રુપુટ સંચાલન કર્યું છે. ઇવોસ નેધરલેન્ડ્સ, જર્મની, સ્પેન, બેલ્જિયમ અને માલ્ટા જેવા દેશોના આઠ વ્યૂહાત્મક બંદરો પર 6.3 મિલિયન ક્યુબિક મીટરની સંગ્રહ ક્ષમતા ધરાવે છે. તેના નેટવર્કમાં 452 ટાંકી, 63 શિપ-બાર્જ બર્થ અને પાઇપલાઇન કનેક્ટિવિટીનો સમાવેશ થાય છે.
આ સંપાદન અદાણી પોર્ટ્સ માટે યુરોપના મુખ્ય ઊર્જા અને લિક્વિડ સ્ટોરેજ કેન્દ્રો જેવા કે એમ્સ્ટરડેમ-રોટરડેમ-એન્ટવર્પ (ARA) પ્રદેશ અને હેમ્બર્ગમાં મજબૂત હાજરી આપશે. કંપની ગૅસોલિન, જેટ ઇંધણ જેવા પરંપરાગત ઇંધણ ઉપરાંત બાયોફ્યુઅલ, મિથેનોલ અને ટકાઉ ઉડ્ડયન ઇંધણ (SAF) જેવા સંક્રમણકારી ઊર્જા સ્ત્રોતોનું પણ સંચાલન કરે છે.
અદાણી પોર્ટ્સ અને સેઝના મેનેજિંગ ડિરેક્ટર કરણ અદાણીએ જણાવ્યું હતું કે,ઇવોસનું સંપાદન એ અદાણી પોર્ટ્સ માટે ૧ અબજ ટન કાર્ગો સંચાલન અને વૈશ્વિક સંકલિત પરિવહન પ્લેટફોર્મ ઊભું કરવાના લક્ષ્ય તરફનું મહત્વનું સીમાચિહ્ન છે. આ સોદાથી યુરોપના ટકાઉ ઊર્જા સંક્રમણમાં ભાગીદારી મળશે, જ્યારે અર્થશાસ્ત્રના નાણાકીય વિવેકબુદ્ધિના ધોરણો જાળવી રાખવામાં આવશે.
નિયમનકારી મંજૂરીઓ અને 'વર્કસ કાઉન્સિલ સાથેના પરામર્શ બાદ આ સોદો પૂર્ણ થશે, જેના માટે જરૂરી ભંડોળ દેવા મારફત ઊભું કરવામાં આવશે. સોદા બાદ સંયુક્ત એકમનો પ્રો ફોર્મા નેટ ડેટ-ટુ-ઇબીડ્ટા 2.76 ગણો રહેશે, જે ચાલુ નાણાકીય વર્ષ સુધીમાં ઘટીને 2.5 ગણો થવાની અપેક્ષા છે.